మహారాజా ఎక్స్ప్రెస్ ట్రెయిన్.. టికెట్ రేటు వింటే షాకే..
భారతీయ రైళ్లలో అధునాతన సౌకర్యాలు ఉంటే అది అందరికీ అందుబాటులో లేని ధరలలో ఉంటాయి టికెట్ చార్జీలు. ఈ ట్రెయిన్ టికెట్ ధరతో ఓ లగ్జరీ కారు కొనేయొచ్చు. అంత కాస్ట్లీ మరి.
ఆసియాలో అత్యంత ఖరీదైన రైలు.. దీని ఒక రోజు ఛార్జీ తెలిస్తే గుండె ఝల్లు మంటుంది. ఇందులో ప్రయాణించే ప్రయాణీకులకు ఒక దేశ మహారాజా కు అందించే సౌకర్యాలన్నీ అందుతాయి. ఇది ఏ రైలు , ఇందులో ఎలాంటి సౌకర్యాలు ఉన్నాయో తెలుసుకుందాం.
ఈ రైలులో ప్రయాణించే ప్రయాణికులకు బంగారు , వెండి పాత్రల్లో ఆహారాన్ని అందిస్తారు. ఇది మాత్రమే కాదు, ప్రతి భారతీయ సంస్కృతికి సంబంధించిన సౌకర్యాలను అందిస్తారు. ఈ రైలు ప్రెసిడెన్షియల్ సూట్ చాలా ప్రత్యేకమైనది. ఇక్కడ ప్రయాణికులకు భోజన సదుపాయం ఉంది. ప్రపంచ స్థాయి రాజభోజనం ఇక్కడ వడ్డిస్తారు.
రైలు ఛార్జీ ఎంత?
మహారాజా ఎక్స్ప్రెస్ భారతదేశంలోనే కాకుండా ఆసియాలోనే అత్యంత ఖరీదైన లగ్జరీ రైలు . ప్రయాణీకులు ఇందులో ఫైవ్ స్టార్ సర్వీస్ పొందుతారు. ఇందులో ప్రయాణించాలంటే వేల కాదు లక్షల రూపాయలు ఖర్చు చేయవలసి ఉంటుంది. ఈ రైలు టికెట్ ధర అక్షరాలా 20 లక్షల రూపాయలు.
ఈ రైలు 7 రోజుల్లో ప్రయాణాన్ని పూర్తి చేస్తుంది
మహారాజా ఎక్స్ప్రెస్ ఏకంగా ఏడు రోజుల ప్రయాణాన్ని పూర్తి చేస్తుంది. ఈ ఏడు రోజుల్లో ప్రయాణీకులకు ఫైవ్ స్టార్ సేవలను అందించడంతో పాటు, తాజ్ మహల్, ఖజురహో టెంపుల్, రణతంబోర్, ఫతేపూర్ సిక్రీ మీదుగా దేశంలోని ప్రధాన పర్యాటక ప్రదేశాలకు కూడా తీసుకువెళుతుంది. అంటే, ఒక వారంలో ప్రయాణీకుడు ఈ ప్రదేశాలను సందర్శించేటప్పుడు రైలులో ఫైవ్ స్టార్ హోటల్‌ లో ఉన్న అనుభూతికి లోనవుతాడు.. అన్ని సౌకర్యాలు వారికి అందుతాయి.
ఇంత ఖరీదైన ఛార్జీలతో కూడిన ఈ రైలు ప్రైవేట్ కాదని, ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) స్వయంగా నడుపుతుందని తెలిస్తే మరింత ఆశ్యర్యానికి గురికావలసి వస్తుంది. ప్రతి కోచ్‌లో షవర్‌లతో కూడిన బాత్‌రూమ్‌లు, రెండు మాస్టర్ బెడ్‌రూమ్‌లు ఉన్నాయి. తద్వారా ప్రజలు తమ కుటుంబాలతో కలిసి ప్రయాణించవచ్చు. ప్రయాణికుల కోసం ప్రతి కోచ్‌లో మినీ బార్‌ను కూడా ఏర్పాటు చేశారు. ఇది కాకుండా, బయటి వీక్షణను ఆస్వాదించడానికి ప్రత్యక్ష టీవీ, ఎయిర్ కండీషనర్ మరియు పెద్ద కిటికీలు ఉన్నాయి. మీరు మహారాజా ఎక్స్‌ప్రెస్‌లో ప్రయాణించాలని ప్లాన్ చేస్తున్నట్లయితే, మీరు ఇంటి నుండే బుక్ చేసుకోవచ్చు.