విద్యార్థులను చెడగొడుతున్న సినిమాలు.. అల్లు అర్జున్ 'పుష్ప'పై టీచర్ ఆరోపణలు..

తమ అభిమాన హీరోని అనుకరిస్తుంటారు యువత. వేషం, భాషతో పాటు పాపులర్ డైలాగులను కూడా వంటబట్టించుకుంటారు. ఖచ్చితంగా సినిమాలు యువతపై ప్రభావం చూపిస్తాయి అనేది నూటికి నూరుపాళ్లు నిజం. అదే ఆ టీచర్ కూడా చెప్పింది.

పాన్ ఇండియా పేరుతో తీసే సినిమాలు మంచి కంటెంట్ తో మంచిని ప్రభోధించేదిగా ఉండాలి కానీ యువతను పెడదారి పట్టించేవిగా ఉండకూడదని, ప్రస్తుతం వస్తున్న సినిమాలపై ఆమె తన అసహనాన్ని వ్యక్తం చేశారు.

హైదరాబాద్‌లోని యూసుఫ్‌గూడకు చెందిన ఒక ప్రభుత్వ పాఠశాల ఉపాధ్యాయురాలు, పుష్ప 2 తన విద్యార్థులలో సగం మందిని 'చెడిపోయిన ఆకతాయిలు'గా మార్చిందని పేర్కొంది.

పుష్ప ది రైజ్ డిసెంబర్ 2021లో విడుదలై ప్రభంజనాన్ని సృష్టించింది. సుకుమార్ దర్శకత్వంలో అల్లు అర్జున్ నటించిన ఈ చిత్రం బ్లాక్ బస్టర్ గా నిలిచింది. ఆ తరువాత పుష్ప 2: ది రూల్ విడుదలై అల్లు అర్జున్ క్రేజ్ ని మరింత పెంచింది.

గంధపు చెక్క స్మగ్లర్ పుష్ప రాజ్ పాత్రలో అల్లు అర్జున్ పాత్ర జనాలను ఆకట్టుకుంది. సినిమాలో అతని ప్రత్యేకమైన మేనరిజమ్ ట్రెండ్‌ ని సృష్టించింది. అభిమానులు, ప్రముఖులు మరియు రాజకీయ నాయకులు కూడా అతని శైలిని అనుకరించారు. మరోపక్క ఈ సినిమాపై విమర్శలు కూడా వెల్లువెత్తాయి.

విద్యార్థులను 'చెడగొట్టడానికి' పుష్ప కారణమని హైదరాబాద్‌లోని యూసుఫ్‌గూడకు చెందిన ఒక ప్రభుత్వ పాఠశాల ఉపాధ్యాయురాలు ఆరోపించింది. పుష్ప 2 తన విద్యార్థులలో సగం మందిని 'చెడిపోయిన ఆకతాయిలు'గా మార్చిందని ఆమె తెలిపారు.

ఇటీవల విద్యా కమిషన్‌తో జరిగిన సమావేశంలో, వివిధ ప్రభుత్వ పాఠశాలలకు చెందిన అనేక మంది పాఠశాల ఉపాధ్యాయులు మరియు ప్రధానోపాధ్యాయులు విద్యార్థులపై సినిమా మరియు మీడియా ప్రభావం ఎక్కువగా ఉంటోందని తమ ఆందోళనలను వ్యక్తం చేశారు.

ఈ అంశంపై యూసుఫ్‌గూడ ప్రధానోపాధ్యాయురాలు తన నిరాశను వ్యక్తం చేస్తూ, ముఖ్యంగా ప్రభుత్వ పాఠశాలల విద్యార్థులను కట్టడి చేయడం మరింత కష్టమవుతోందని అన్నారు.

విద్యార్థులు పాఠశాలకు రాకపోవడమే కాకుండా, పరిసరాల ప్రభావంతో భాషను కూడా అవలంబిస్తున్నారని ఉపాధ్యాయురాలు తెలిపింది. పుష్ప 2 లోని పాత్రలను పోలి ఉండే వారి "వింతైన హెయిర్ స్టైల్స్" ని తల్లిదండ్రులు కూడా కట్టడి చేయలేకపోతున్నారు.

మేము దానిని మార్చమని చెప్పడానికి ప్రయత్నించినప్పుడు, వారు మా మాట వినరు. తల్లిదండ్రులు కూడా దాని గురించి పట్టించుకోరు" అని ఆమె తెలిపారు.

పాఠశాల ఉపాధ్యాయుడి వార్త సోషల్ మీడియాలో వైరల్ అయిన వెంటనే, నెటిజన్లు ఈ విషయంపై భిన్నాభిప్రాయాలు వ్యక్తం చేశారు.

ఈ వార్తలపై స్పందిస్తూ, ఒక X యూజర్ ఇలా వ్రాశాడు, "ప్రిన్సిపాల్ గారికి, పుష్ప వంటి సినిమాలు చూసి వాటి ప్రభావానికి లోనవుతున్నారని మీరు నిజంగా నమ్మితే, వారు సినిమా నుండి ప్రేరణ పొందుతున్నందుకు నేను నిజంగా సంతోషిస్తున్నాను.. కాబట్టి, 12వ ఫెయిల్, సూపర్ 30, ఉడాన్, అంజలి, 35 CKK, మరియు స్వదేస్ వంటి చిత్రాలను ప్రతిరోజూ వారి కోసం ప్రదర్శించమని నేను మిమ్మల్ని హృదయపూర్వకంగా అభ్యర్థిస్తున్నాను. వారిలో ఎంతమంది ఆ పాత్రలుగా మారతారో చూద్దాం." అని సవాల్ విసిరాడు.

"ఇది నిరక్షరాస్యత యొక్క సమస్య!! నిరక్షరాస్యులను ఎప్పుడూ భయంకరమైన సినిమాలు చూడనివ్వకండి" అని మరొక వినియోగదారు రాశారు.

"నాకు ఈ సినిమా ఎప్పుడూ నచ్చలేదు, వినోదం కోసం దొంగను కీర్తించడం? ఇలాంటి సినిమాలను జనం ఎందుకు ఎంటర్టైన్ చేస్తున్నారో నాకు అర్థం కాదు అని మరొక వినియోగదారు రాశారు.

"ఇదేమిటి అర్ధంలేని విషయం? విద్యార్థులకు ఏది మంచిది, ఏది కాదు అని చెప్పడం ఉపాధ్యాయుల పని కాదా? సినిమాను ఎందుకు నిందించాలి" అని మరొక వినియోగదారు అడిగారు.