పాపకు అన్నీ నా పోలికలే: రామ్ చరణ్

లిట్టిల్ మెగా ప్రిన్సెస్ ఇంటికి వెళ్లుతుండగా అభిమానులు పులకించిపోయారు. మెగా పవర్ స్టార్ రామ్ చరణ్, ఉపాసన తమ గారాల పట్టితో సహా మీడియాకు అభివాదం చేశారు. పాపాయిని ఎత్తుకుని జంటగా ఇంటికి వెళ్లారు. ఈ క్రమంలో తండ్రి హోదాలో మీడియాతో మాట్లాడిన రామ్ చరణ్.. పాపాయి గురించి ఆసక్తికర విషయాలు పంచుకున్నారు. అందరిలానే ఓ తండ్రిగా తనకు ఓ పాప పుట్టడం సంతోషంగా ఉందంటూ ఆనందం వ్యక్తం చేశారు. పాపకు తన పోలికలే వచ్చాయంటూ మురిసిపోయారు. ఇక లిట్టిల్ మెగా ప్రిన్సెస్ కు పేరు కూడా నిర్ణయించినట్లు తెలిపారు. ఉపసనా, తాను ఓ పేరు అనుకున్నామని వెల్లడించారు. సంప్రదాయం ప్రకారం 13వ రోజు కానీ, 21వ రోజు కానీ సరైన ముహూర్తం చూసి పాపాయికి నామకరణం చేయనున్నట్లు తెలిపారు. ఏమైనా గ్లోబల్ స్టార్ పుత్రికోత్సాహంతో ఉబ్బితబ్బిబైపోతున్నాడు అనడంలో సందేహమే లేదు.