Telangana: లారీ చక్రాల కింద ఇరుక్కున మహిళ.. రక్షించిన మంత్రి బండి సంజయ్

కరీంనగర్ హుజూరాబాద్ మండలంలో సోమవారం నాడు లారీ కింద చిక్కుకున్న మహిళను కేంద్ర హోంశాఖ సహాయ మంత్రి బండి సంజయ్ కుమార్ రక్షించారు. సంజయ్ హుజూరాబాద్ మండల పర్యటనలో ఉండగా, లారీ కింద ఇరుక్కుపోయిన మహిళను గమనించారు. మహిళను చూసిన కేంద్ర మంత్రి తన అనుచరులతో కలిసి ఆమెను రక్షించేందుకు ప్రయత్నాలు చేశారు.

మహిళను రక్షించిన తర్వాత, సంజయ్ అతని మద్దతుదారులు ఆమెను కరీంనగర్ జిల్లాలోని లైఫ్ లైన్ ఆసుపత్రికి తరలించారు. సోషల్ మీడియాలో చక్కర్లు కొడుతున్న వీడియో, ట్రక్కు కింద ఇరుక్కుపోయిన మహిళను చూపిస్తుంది; ఆమె జుట్టు భాగం ట్రక్కు టైర్లలో ఒకదాని కింద ఇరుక్కుపోయింది. ఆమె హాస్పిటల్ ఖర్చంతా తానే భరిస్తానని బండి సంజయ్ తెలిపారు. అయితే మహిళకు యాక్సిడెంట్ ఎలా జరిగిందో తెలియాల్సి ఉంది.