US Elections: కమలా హారిస్ గెలుపు కోసం పూర్వీకుల గ్రామంలో ప్రత్యేక పూజలు

అమెరికా అధ్యక్ష ఎన్నికల్లో కమలా హారిస్ విజయం కోసం తిరువారూరు జిల్లాలోని ఆమె పూర్వీకుల గ్రామంలోని శ్రీ ధర్మ శాస్తా శ్రీ సేవక పెరుమాళ్ ఆలయంలో మంగళవారం ఉదయం ప్రత్యేక పూజలు నిర్వహించారు. అనంతరం పూజారి భక్తులకు ప్రసాదం పంపిణీ చేశారు. పూజలో పాల్గొనేందుకు US నుండి కమలా హారిస్ మద్దతుదారులు కూడా కమలా హారిస్ పూర్వీకుల గ్రామమైన 'తులసేంద్రపురం'కి చేరుకున్నారు. తులసేంద్రపురం గ్రామం హారిస్ తల్లితండ్రులు పివి గోపాలన్ జన్మస్థలం.

లాస్ వెగాస్, నెవాడా నుండి షెరిన్ శివలింగ మాట్లాడుతూ, "కమలా హారిస్ తాతలు పుట్టి పెరిగిన గ్రామాన్ని చూడటానికి వచ్చాను, మేము ఎన్నికల ఫలితాల కోసం ఎదురుచూస్తున్నాము, మేము ఉత్కంఠతో ఉన్నాము, ఆమె గెలవాలని కోరుకుంటున్నాము.

రాబోయే ఎన్నికల్లో వైస్ ప్రెసిడెంట్ హారిస్ గెలుస్తారని గ్రామస్థులు ఆశాభావం వ్యక్తం చేశారు. అంతకుముందు అమెరికా అధ్యక్ష ఎన్నికల్లో కమలా హారిస్ విజయం కోసం తెలంగాణలో 11 రోజుల పాటు మహా యజ్ఞం నిర్వహించారు.

భారతదేశంలో తన మూలాలను కలిగి ఉన్న వైస్ ప్రెసిడెంట్ కమలా హారిస్ US రాజకీయాల్లో క్రమంగా ఎదాగారు. ఆమె మొదటి మహిళ, మొదటి నల్లజాతి మరియు మొదటి ఆసియా అమెరికన్ వైస్ ప్రెసిడెంట్. 60 ఏళ్ల హారిస్ ఈ ఎన్నికల్లో విజయం సాధిస్తే అమెరికా అధ్యక్షురాలిగా చరిత్రలో నిలిచిన తొలి మహిళగా రికార్డులకెక్కుతారు.

ఒక ప్రధాన రాజకీయ పార్టీ ద్వారా అధ్యక్ష పదవికి నామినేట్ చేయబడిన రెండవ మహిళ వైస్ ప్రెసిడెంట్. ఆమె తల్లి శ్యామలా గోపాలన్ భారతీయురాలు మరియు ఆమె తండ్రి డోనాల్డ్ హారిస్ జమైకన్. ఇద్దరూ యునైటెడ్ స్టేట్స్ కు వలస వచ్చారు. ఆమె ఓక్లాండ్, కాలిఫోర్నియాలో జన్మించింది. చారిత్రాత్మకంగా నల్లజాతి విశ్వవిద్యాలయం, హోవార్డ్ విశ్వవిద్యాలయం, వాషింగ్టన్‌లో చదువుకుంది.

అధ్యక్షుడు జో బిడెన్ తన వయస్సు రిత్యా అధ్యక్ష రేసు నుండి వైదొలిగిన తర్వాత, ఎన్నికల ఘట్టానికి శ్రీకారం చుట్టారు. రిపబ్లికన్ పార్టీ తరపు నుంచి మాజీ అధ్యక్షుడు డొనాల్డ్ ట్రంప్‌, హారిస్ డెమొక్రాటిక్ నామినీగా నామినేట్ అయ్యారు. అమెరికాలో మంగళవారం నుంచి అమెరికా అధ్యక్ష ఎన్నికలు ప్రారంభమయ్యాయి. మొదటి బ్యాలెట్ న్యూ హాంప్‌షైర్ యొక్క చిన్న టౌన్‌షిప్ డిక్స్‌విల్లే నాచ్‌లో వేయబడింది, ఇది US-కెనడా సరిహద్దులో ఉన్న టౌన్‌షిప్.