cow dung: ఫలించిన పరిశోధనలు.. ఆవుపేడతో తాగే నీళ్లు..

cow dung: చుట్టూ నీళ్లు ఉన్నా తాకేందుకు గుక్కెడు నీళ్లుండవు. మంచి నీళ్లకోసం మైళ్లకు మైళ్లు నడుస్తుంటారు. ప్రపంచ జనాభా దాహార్తిని తీర్చేందుకు శాస్త్రవేత్తలు కంకణం కట్టుకుని రేయింబవళ్లు పరిశోధన చేశారు. ఆవు పేడతో ఉప్పునీటిని మంచి నీరుగా మార్చే ప్రయత్నాలు దాదాపు ఫలించాయి.

కొందరు పరిశోధకులు సముద్రపు నీటిని మంచినీరుగా మార్చడానికి ఆవు పేడను ఉపయోగిస్తున్నారు. ఈశాన్య విశ్వవిద్యాలయంలోని శాస్త్రవేత్తలు ఆవు పేడను ఫిల్టర్‌గా మార్చే ప్రక్రియను అభివృద్ధి చేశారు. అది తాగలేని నీటిని శుద్ధి చేస్తుంది - దీంతో ప్రపంచ నీటి సంక్షోభాన్ని పరిష్కరించగలదని బృందం భావిస్తోంది.

తీవ్రమైన వేడితో పేడను కాల్చడం ద్వారా, శాస్త్రవేత్తలు దానిని కార్బన్ పౌడర్‌గా మార్చారు. ఇది సముద్రపు నీటి ఉపరితలంపై తేలుతుంది. సూర్యరశ్మి ఆ ప్రాంతాన్ని తాకినప్పుడు, నలుపు పదార్థం క్రింద ఉన్న నీరు ఆవిరిగా మారుతుంది. త్రాగేందుకు వీలైప ద్రవం దాని గుండా వెళుతుంది.

UNICEF ప్రకారం, నీటి కొరతతో కొట్టుమిట్టాడుతున్న ప్రాంతాల్లో దాదాపు 1.42 బిలియన్ల మంది ప్రజలు నివసిస్తున్నారు. భూమిపై కేవలం మూడు శాతం నీరు మాత్రమే తాగదగినది. ఈ పరిశోధనల ఫలితంగా బిలియన్ల మంది ప్రజల నీటి వెతలు తీరుతాయని ఆశాభావం వ్యక్తం చేస్తున్నారు. సముద్రపు నీటిని మంచినీరుగా మార్చేందుకు ఎందరో శాస్త్రవేత్తలు అవిశ్రాంతంగా కృషి చేస్తున్నారు.

'మేము ఉపయోగించే పదార్థాలు పూర్తిగా సహజమైనవి, స్థిరమైనవి' అని శాస్త్రవేత్త జెంగ్ చెప్పారు. 'ఈ సహజ పదార్థం బాగా పని చేస్తుంది మరియు తక్కువ ధర, తయారు చేయడం సులభం అని జెంగ్ వివరించారు.