laziness: మీకు తెలుసా.. స్మోకింగ్, డ్రింకింగ్ కంటే ప్రాణాంతకం బద్దకం అని..

laziness : ఏ పని చేయాలన్నా బద్దకం.. ఉదయాన్నే లేవాలంటే బద్దకం, వ్యాయామం చేయాలంటే బద్దకం.. ఆరోగ్యం పాడవడానికి అదే పెద్ద కారణం. సమయపాలన లేకపోవడం, లేచిన తరువాత అయినా పనులు చకచకా చేసుకోవాలన్న ఆలోచన లేకపోవడం.. ఈ అలవాట్లు అనేక జబ్బులకు దారితీస్తాయి.

సోమరితనం మిమ్మల్ని, మీ ఆరోగ్యాన్ని నాశనం చేస్తుంది. శరీరానికి తగినంత వ్యాయామం లేకపోతే అకాల మరణాలు సంభవించే అవకాశాలు ఉన్నాయని అధ్యయనాలు పేర్కొన్నాయి. వ్యాయామం చేసే వ్యక్తితో పోలిస్తే వ్యాయామం లేకపోవడం వల్ల వ్యక్తి అకాల మరణం సంభవించే అవకాశాలను 500 రెట్లు పెంచుతాయి.

తాగి డ్రైవింగ్ చేయడం, అతి వేగం, సిగరెట్‌లు ఎలా ప్రాణాంతకం కాగలవో, అలాగే రోజంతా మంచంపై కూర్చోవడం, ఎలాంటి కదలికలు లేకుండా ఉండడం కూడా అంతే ప్రాణాంతకం అని మీకు తెలుసా? "ది లాన్సెట్"లో ప్రచురించబడిన ఒక అధ్యయనం ప్రకారం, వ్యాయామం చేసే వ్యక్తితో పోలిస్తే ఒక వ్యక్తి అకాల మరణానికి 500 రెట్లు ఎక్కువ వ్యాయామం లేకపోవడం అని తెలిపింది.

ధూమపానం చేసేవారు, మధుమేహ వ్యాధిగ్రస్తులు వర్కవుట్ చేస్తే అకాల మరణాలు సంభవించే అవకాశాలు తక్కువగా ఉంటాయని అధ్యయనం చెబుతోంది. దీనికి విరుద్ధంగా నడక లేదా పరుగు వంటి సాధారణ వ్యాయామాలకు కూడా తీరిక లేని వ్యక్తి వ్యాధులను ఆహ్వానిస్తాడు.

సోమరితనం వల్ల ఊబకాయం, రోగనిరోధక శక్తి బలహీనంగా ఉంటుంది. అనేక మానసిక రుగ్మతలకు దారితీస్తుందని అధ్యయనం వివరిస్తుంది. రక్త ప్రసరణ సరిగా జరగని కారణంగా గుండె జబ్బులు లేదా అధిక రక్తపోటుకు దారితీయవచ్చు. అలాగే, వ్యాయామాలు మెదడు పనితీరును బలపరిచే న్యూరోప్లాస్టిసిటీని మెరుగుపరుస్తాయి. టెన్షన్‌ను తగ్గిస్తాయి, మానసిక స్థితిని మెరుగుపరుస్తాయి.

లాన్సెట్ పరిశోధనలో వ్యాయామం చేసే వ్యక్తులకు పెద్దప్రేగు క్యాన్సర్ వచ్చే అవకాశం 20 శాతం తక్కువగా ఉంటుందని కనుగొన్నారు. వ్యాయామం లేకపోవడం వల్ల గుండె జబ్బులు 6 శాతం, మధుమేహం 7 శాతం, పెద్దప్రేగు కాన్సర్ 10 శాతం పెరగడం వంటి కారణాలున్నాయి.

అమెరికన్ హార్ట్ అసోసియేషన్ ప్రకారం, ఒక వ్యక్తి వారానికి ఐదు రోజులు, రోజుకు 30 నిమిషాలు వ్యాయామం చేస్తే, అతను ఫిట్‌గా ఉంటాడు. ఒక వ్యక్తిని ఫిట్‌గా ఉంచడానికి హార్ట్ స్ట్రోక్, స్థూలకాయం వచ్చే అవకాశాలను తగ్గించడానికి అన్ని వయస్సుల వారు చేయగలిగే 30 నిమిషాల నడక వంటి సాధారణ వ్యాయామం సరిపోతుందని వైద్యులు అంటున్నారు.

సో.. ఈ రోజు నుంచి మీ బద్దకాన్ని వదిలించుకుని ఆరోగ్యంగా ఉండడానికి ప్రయత్నించండి. నడక వంటి వ్యాయామాన్ని ఈ రోజు నుంచే మొదలు పెట్టండి.. ఉదయం లేదా సాయింత్రం ఓ అరగంట వాకింగ్ కి కేటాయించండి.