Delhi: జీఎస్టీ కౌన్సిల్‌ సమావేశం

ఢిల్లీలో 49వ జీఎస్టీ కౌన్సిల్‌ సమావేశం కొనసాగుతోంది. కేంద్ర ఆర్థిక మంత్రి నిర్మలా సీతారామన్‌ అధ్యక్షతన జరుగుతున్న ఈ సమావేశంలో కీలక నిర్ణయాలు తీసుకునే అవకాశం ఉంది. గుట్కా, పాన్‌ మసాలా వంటి ఉత్పత్తుల విషయంలో పన్నుల ఎగవేత అధికంగా ఉందని... దీన్ని అరికట్టే మార్గాలపై ఈ సమావేశంలో చర్చిస్తున్నారు. అలాగే జీఎస్టీ అప్పిలేట్‌ ట్రైబ్యూనల్‌ ఏర్పాటుపై నిర్ణయం తీసుకోవచ్చు. తృణ ధాన్యాలతో తయారు చేసే ఉత్పత్తులపై జీఎస్టీని తగ్గించే అవకాశముంది. పెన్సిల్‌ షార్ప్‌నర్లపై ఇపుడు 18 శాతం జీఎస్టీ విధిస్తుండగా, దీన్ని 12శాతానికి తగ్గింవచ్చని వార్తలు వస్తున్నాయి.