డేరా బాబాకు కరోనా.. ఆస్పత్రిలో చికిత్స

భక్తి పేరుతో ఇద్దరు మహిళలపై అత్యాచారం, హత్య ఆరోపణలతో జైలు ఊచలను లెక్కపెడుతున్న డేరా బాబా కోవిడ్ బారిన పడ్డారు. డేరా సచ్చా సౌదా చీఫ్ గుర్మీత్ రామ్ రహీమ్ సింగ్ కోవిడ్ -19 కు పాజిటివ్ గా నిర్ధారణ అయింది. హర్యానాలోని రోహ్తక్ జిల్లాలోని సునారియా జైలు నుంచి గురుగ్రామ్‌లోని ఒక ప్రైవేట్ ఆసుపత్రికి తరలించిన ఈ వివాదాస్పద బాబా, అత్యాచారం, హత్య ఆరోపణలపై 20 సంవత్సరాల శిక్ష అనుభవిస్తున్నాడు.

కడుపు నొప్పి కారణంతో జూన్ 3 న, రోహ్తక్ పోస్ట్ గ్రాడ్యుయేట్ ఇన్స్టిట్యూట్ ఆఫ్ మెడికల్ సైన్సెస్ (పిజిఐఎంఎస్) లో సింగ్‌కి కొన్ని పరీక్షలు చేశారు. పిజిఐఎంఎస్ రోహ్‌తక్‌లో కోవిడ్ పరీక్ష చేయించుకోవడానికి ఆయన నిరాకరించారు.

సిర్సా ప్రధాన కార్యాలయం కలిగిన డేరాకు చెందిన 53 ఏళ్ల శాఖ అధిపతిని గురువారం తదుపరి పరీక్షల కోసం భారీ పోలీసు ఎస్కార్ట్ కింద గురుగ్రామ్ లోని మెదంతకు తరలించారు. ఆసుపత్రిలో జరిపిన పరీక్షలో అతను కోవిడ్-పాజిటివ్ అని తేలింది.

రోహ్తక్‌లోని పిజిఐఎంఎస్‌లో సింగ్ పరిస్థితికి సంబంధించిన అన్ని పరీక్షలు పూర్తి చేయలేమని సునారియా జైలు సూపరింటెండెంట్ సునీల్ సంగ్వాన్ తెలిపారు. ఈ విషయంలో మరో ఉన్నత ప్రభుత్వ ఆసుపత్రిని సంప్రదించినప్పుడు, కోవిడ్ -19 కారణంగా ప్రస్తుతం పరీక్షలు చేయలేమని వారు తెలిపారు.

తరువాత, మెదంత ఆసుపత్రిలో ఈ పరీక్షలు చేయవచ్చని జైలు అధికారులకు సూచించారు. దీనికి అనుమతి మంజూరు చేసినట్లు తెలిపారు. ఇతర పరీక్షలలో, సింగ్ గురువారం రోహ్తక్ లోని పిజిఐఎంఎస్ వద్ద ఉదర సిటి స్కాన్ చేయించుకున్నాడు.

ఇద్దరు మహిళా శిష్యులపై అత్యాచారం చేసిన కేసులో డెరా బాబా 20 సంవత్సరాల జైలు శిక్ష, సిర్సాకు చెందిన జర్నలిస్ట్ రామ్ చందర్ ఛత్రపతి హత్యకు సంబంధం ఉండడంతో బాబాకు జీవిత ఖైదు అనుభవిస్తున్నాడు.