Delhi: పాత ఎక్సైజ్ పాలసీని 6 నెలల పాటు పొడిగించిన ప్రభుత్వం..

Delhi: ఢిల్లీ ప్రభుత్వం 'పాత ఎక్సైజ్ పాలసీ'ని ఆరు నెలల పాటు పొడిగిస్తున్నట్లు ప్రకటించింది. రాబోయే ఆరు నెలల్లో ఐదు డ్రై డేలు కూడా ఉన్నట్లు వెల్లడించారు. అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీ (ఆప్) ప్రభుత్వం కూడా కొత్త ఎక్సైజ్ పాలసీని సిద్ధం చేయాలని సంబంధిత అధికారులను కోరింది. పాత ఎక్సైజ్ పాలసీ ప్రకారం, ఈ ఆరు నెలల్లో ఐదు డ్రై డేలు ఉంటాయని, అవి మహావీర్ జయంతి, గుడ్ ఫ్రైడే, బుద్ధ పూర్ణిమ, ఈద్-అల్-ఫితర్ మరియు ఈద్-అల్-అధా అని తెలిపింది. 2021-22 ఎక్సైజ్ పాలసీని ఉపసంహరించుకున్న తర్వాత ప్రభుత్వం గత ఏడాది సెప్టెంబర్‌లో పాత ఎక్సైజ్ పాలసీని తిరిగి అమలులోకి తీసుకువచ్చింది. ఎక్సైజ్ పాలసీ 2021-22 అమలులో అవకతవకలు జరిగాయన్న ఆరోపణలపై ఎల్‌జీ వీకే సక్సేనా సీబీఐ విచారణకు సిఫార్సు చేయడంతో ఢిల్లీ ప్రభుత్వం దానిని ఉపసంహరించుకుంది. ఢిల్లీలో మద్యం కుంభకోణానికి సంబంధించి మాజీ ఉప ముఖ్యమంత్రి, ఎక్సైజ్ శాఖ ఇన్‌ఛార్జ్ మంత్రి మనీష్ సిసోడియాను ఇటీవల ఈడి అరెస్టు చేసింది. ప్రస్తుతం, దేశ రాజధానిలో 570 రిటైల్ మద్యం దుకాణాలు, 950 కంటే ఎక్కువ హోటళ్లు, రెస్టారెంట్లు, క్లబ్‌లు మద్యం అందించడానికి లైసెన్స్ కలిగి ఉన్నాయి.