Helmet Mandatory : కేంద్రం మరో కొత్త రూల్.. !

Helmet Mandatory : ద్విచక్ర వాహనదారులకి ఇది గమనిక.. కేంద్రం మరో కొత్త రూల్ అమలులోకి తీసుకొని వచ్చింది. ఈ రూల్ ప్రకారం.. బైక్ పైన చిన్న పిల్లలను తీసుకెళ్తున్నప్పుడు వారు కూడా తప్పనిసరిగా హెల్మెట్‌ ధరించాల్సి ఉంటుంది.. సెంట్రల్ మోటార్ వేహికల్స్ రూల్స్, 1989కు సవరణ చేసి ఈ కొత్త నిబంధనలను తీసుకొచ్చింది కేంద్రం.. కొత్త నిబంధన ప్రకారం ఎవరైనా నిబంధనలు ఉల్లగించితే రూ. 1,000 జరిమానా లేదా డ్రైవింగ్ లైసెన్స్‌ను మూడు నెలల పాటు సస్పెండ్ చేస్తారు.

.@MORTHIndia issues notification for safety measures for children below four years of age, riding or being carried on a motorcycle

It specifies use of a safety harness and crash helmet and also restricts speed of such motorcycles to 40 kmphhttps://t.co/rAMr9lMCuc pic.twitter.com/4rnwcAxMVL

— PIB India (@PIB_India) February 16, 2022

అలాగే పిల్లవాడితో ప్రయాణించే ఏదైనా ద్విచక్ర వాహనం తప్పనిసరిగా గంటకు గరిష్టంగా 40-కిమీ వేగ పరిమితిలో ప్రయాణించాలి. పిల్లల కోసం కూడా వారి సైజు ప్రకారం హెల్మెట్‌లను తయారు చేయాలని హెల్మెట్ తయారీదారులను ఆదేశించింది కేంద్రం.

ద్విచక్ర వాహనాలపై ప్రయాణిస్తున్నప్పుడు పిల్లలకు భద్రత కోసం హెల్మెట్‌ను తప్పనిసరిగా ఉపయోగించాలని కేంద్ర ప్రభుత్వం గతంలోనే ప్రతిపాదించింది... ఈ విషయంపై పౌరుల అభిప్రాయాన్ని అడగడానికి అక్టోబర్ 2021 లో డ్రాఫ్ట్ నోటిఫికేషన్‌ను విడుదల చేసింది.