LIC Policy: రోజుకు రూ.150లు పెట్టుబడి పెడితే.. చేతికి రూ. 19 లక్షలు..

LIC Policy: LIC కొత్త చిల్డ్రన్స్ మనీ బ్యాక్ ప్లాన్‌ను 0 నుండి 12 సంవత్సరాల మధ్య వయస్సు ఉన్న పిల్లలకు తాతలు లేదా తల్లిదండ్రులు కొనుగోలు చేయవచ్చు. ఇది పిల్లల ఉజ్వల భవిష్యత్తును సురక్షితంగా ఉంచడానికి సహాయపడే బీమా పథకం.

LIC యొక్క కొత్త చిల్డ్రన్స్ మనీ బ్యాక్ ప్లాన్ యొక్క ముఖ్య లక్షణాలు.. ఒక వ్యక్తి ఎల్‌ఐసి న్యూ చిల్డ్రన్స్ మనీ బ్యాక్ ప్లాన్ ప్రీమియంను సౌలభ్యం ప్రకారం వార్షిక, అర్ధ-వార్షిక, త్రైమాసిక లేదా నెలవారీ ప్రాతిపదికన చెల్లించవచ్చు.

మీ మెచ్యూరిటీ మొత్తాన్ని మీరు వాయిదాలలో కూడా తీసుకోవచ్చు. మీ బిడ్డకు 18 ఏళ్లు నిండిన తర్వాత నుండి మీ వాయిదాలను స్వీకరించవచ్చు. మీ కుమార్తెకు 20 ఏళ్లు వచ్చినప్పుడు రెండోసారి, 25 ఏళ్లు నిండిన తర్వాత పూర్తి మొత్తం లబ్ధిదారుడి ఖాతాలో జమ అవుతుంది. ఆ సమయంలో లబ్దిదారు బోనస్‌తో పాటు 40 శాతం అదనంగా ప్రయోజనం పొందుతారు.

బీమా మొత్తం హామీ ప్రయోజనాలను అందిస్తుంది. మీ పిల్లల భవిష్యత్తు కోసం ఈ పథకంలో మీరు ఏడాదికి రూ.55,000, అంటే రోజుకు దాదాపు రూ.150 ఇన్వెస్ట్ చేయాలి. 25 ఏళ్లలో మీరు మొత్తం రూ.14 లక్షలు డిపాజిట్ చేస్తారు. మెచ్యూరిటీ తర్వాత మీకు అదనంగా రూ.19 లక్షలు చేతికి వస్తుంది.

అర్హత

కొత్త చిల్ట్రన్ మనీ బ్యాక్ పాలసీలో చేరడానికి కూతురు వయస్సు జీరో నుండి 12 సంవత్సరాలు. మెచ్యూరిటీ సమయంలో ఇన్వెస్టర్ 60 శాతం కార్పస్, 40 శాతం బోనస్ తీసుకుంటారు. ఈ స్కీమ్ లో పెట్టుబడి కనిష్టంగా రూ.1 లక్ష. గరిష్ట పరిమితి లేదు. ఇన్‌స్టాల్‌మెంట్ పద్ధతిలో లేదా ఒకేసారి మొత్తం చెల్లించవచ్చు.

ఈ పాలసీలో రోజుకు రూ.150 అంటే నెలకు రూ.4500 అవుతాయి. ఇలా 22 సంవత్సరాలు చెల్లించాలి. ఈ పాలసీ కోసం ఆధార్ కార్డు, ఆదాయ సర్టిఫికెట్, ఐడెంటిటీ కార్డు, అడ్రస్ ప్రూఫ్, పాస్ పోర్ట్ సైజ్ ఫోటో, కుమార్తె బర్త్ డే సర్టిఫికెట్ అవసరం.