Panna: పేద కార్మికుడి అదృష్టం..గనిలో దొరికిన విలువైన వజ్రం
Panna: ఎవరి జీవితం ఎలా మారుతుందో ఎవరికీ తెలియదు. వజ్రాల గనులకు ప్రసిద్ధి చెందిన పన్నాలోని ఒక చిన్న లీజుకు తీసుకున్న గనిలో 11.88 క్యారెట్లు ఉన్న మంచి నాణ్యమైన వజ్రాన్ని పొందాడు ఓ రైతు. అది చూసి తన అదృష్టానికి సంబరపడిపోతున్నాడు ఆ రైతు.
జిల్లాలోని పట్టి ప్రాంతంలోని ఒక గనిలో కూలీగా పనిచేస్తున్న చిన్నపాటి రైతు ప్రతాప్ సింగ్ యాదవ్ ఈ వజ్రాన్ని కనుగొన్నట్లు వజ్రాల అధికారి రవి పటేల్ బుధవారం విలేకరులకు తెలిపారు. సంతోషకరమైన వార్త తెలియగానే రైతు ఇంట్లో పండుగ వాతావరణం నెలకొంది.
నాణ్యమైన ఈ వజ్రాన్ని త్వరలో జరగనున్న వేలంలో అమ్మకానికి ఉంచి ప్రభుత్వ మార్గదర్శకాల ప్రకారం ధరను నిర్ణయిస్తారు. యాదవ్ విలేకరులతో మాట్లాడుతూ, "నేను తక్కువ వ్యవసాయ భూమి ఉన్న పేదవాడిని. కూలీగా పని చేస్తున్నాను. గత మూడు నెలలుగా ఈ గనిలో కష్టపడుతున్నాను. నా కష్టానికి ఫలితం దక్కింది. ఈ వజ్రం దొరికింది. దీన్ని డైమండ్ ఆఫీసులో డిపాజిట్ చేశాను. ఈ వజ్రాన్ని వేలం వేయగా వచ్చిన డబ్బును ఏదైనా వ్యాపారం చేసుకోవడానికి, పిల్లల చదువులకు వినియోగిస్తానని తెలిపాడు.
వేలంలో వజ్రం ₹ 50 లక్షలకు పైగా పలుకుతుందని అధికారులు అంచనా వేస్తున్నారు. ముడి వజ్రాన్ని వేలం వేసి, ప్రభుత్వ రాయల్టీ, పన్నులు మినహాయించి వచ్చిన మొత్తాన్ని రైతుకు అందజేస్తామని అధికారులు తెలిపారు.
Panna Earth made poor farmer rich Diamond weighing 11.88 carats found in Patti diamond mine of Krishna Kalyanpur After the news of getting the diamond spread, there was a festive atmosphere at the farmer's house, Lucky Farmer Pratap Singh Yadav @SanjayMishraIAS @Bpsingh_bjp pic.twitter.com/XC7adREYdE
— Amit Singh Rathaur (@amitsrathaur) May 4, 2022
© Copyright 2024 : tv5news.in. All Rights Reserved. Powered by hocalwire.com