Delta Plus Variant: కరోనా కొత్త అవతారం.. డెల్టా ప్లస్ వేరియంట్
Delta Plus Variant: కరోనా ఫస్ట్ వేవ్, సెకండ్ వేవ్ అంటూ ఇప్పటికే జనాన్ని భయపెడుతూ, బాధపెడుతూ ఉన్న కరోనా థర్డ్ వేవ్ కంటే ముందే మరో కొత్త రూపం సంతరించుకుని ఇప్పుడు డెల్టా ప్లస్ వేరియంట్‌గా దర్శనమిస్తోంది. ఇప్పటికే దేశంలోని వైద్యులు మరియు పరిశోధకులు కరోనావైరస్ యొక్క కొత్త రూపం డెల్టా ప్లస్ గురించి ఆందోళన వ్యక్తం చేశారు. భయపడినంతా అయింది. మధ్యప్రదేశ్‌లో అదే నిజమైంది. కోవిడ్ 19 యొక్క స్ట్రెయిన్ డెల్టా ప్లస్ కారణంగా మధ్యప్రదేశ్‌లో బుధవారం మొదటి మరణం సంభవించింది. ఉజ్జయినిలో మరణించిన రోగి నుండి నమూనాలను సేకరించారు. జన్యు-సీక్వెన్సింగ్‌లో పాల్గొన్న వ్యక్తికి కరోనావైరస్ డెల్టా ప్లస్ సోకినట్లు తెలుస్తుంది.
మధ్యప్రదేశ్‌లో ఇప్పటివరకు ఐదుగురికి డెల్టా ప్లస్ సోకింది. ఈ ముగ్గురూ భోపాల్ వాసులు. మిగిలిన రెండు కేసులు ఉజ్జయినిలో వెలుగు చూశాయి. మధ్యప్రదేశ్ అధికారుల సమాచారం ప్రకారం, డెల్టా ప్లస్ బాధిత వ్యక్తులు కోలుకున్నారని చెప్పారు. ఉజ్జయినిలో డెల్టా ప్లస్ బాధిత మహిళ మరణించింది. మృతి చెందిన మహిళ భర్తకు కరోనా సోకి కోలుకున్నారు. అయితే ఆయన వ్యాక్సిన్ రెండు డోసులు వేసుకున్నట్లు డాక్టర్ రునక్ తెలిపారు. కానీ భార్య ఒక్కడోసు వ్యాక్సినేషన్ కూడా వేయించుకోలేదు. అయితే, డెల్టా ప్లస్ సోకిన నలుగుకూ కరోనా వ్యాక్సిన్ తీసుకోవడం వలన ప్రస్తుతం వారు ఆరోగ్యంగా ఉన్నారు. అందుకే ప్రతి ఒక్కరూ టీకాలు వేయించుకోవాలని అధికారులు చెబుతున్నారు.
డెల్టా ప్లస్ గురించి కేంద్ర ఆరోగ్య మంత్రిత్వ శాఖ ఇప్పటికే ప్రభుత్వాన్ని హెచ్చరించింది. బుధవారం ఆరోగ్య మంత్రిత్వ శాఖ రాష్ట్రాలను ఉద్దేశించి లేఖ రాస్తూ డెల్టా ఫ్లస్ వేరియంట్ పట్ల అప్రమత్తంగా ఉండాలని చెప్పింది. కరోనా డెల్టాకు వ్యతిరేకంగా వ్యాక్సిన్లు పనిచేస్తాయని పరిశోధకులు వివరిస్తున్నారు.
మధ్యప్రదేశ్, కేరళ, మహారాష్ట్రలతో సహా పలు రాష్ట్రాల్లో డెల్టా ప్లస్ రోగుల సంఖ్య పెరుగుతోంది. భారతదేశంలోనే కాదు, ప్రపంచంలోని 9 దేశాలలో యునైటెడ్ స్టేట్స్, బ్రిటన్, పోర్చుగల్, స్విట్జర్లాండ్, జపాన్, రష్యా, పోలాండ్ మరియు చైనాలలో డెల్టా ప్లస్ కేసులు కనుగొనబడ్డాయి. డెల్టా ప్లస్ అనేది డెల్టా స్ట్రెయిన్ యొక్క వేరియంట్. డెల్టా జాతులు ప్రస్తుతం ప్రపంచంలోని 70 దేశాలలో కనిపిస్తున్నాయి. డెల్టాప్లస్ సంక్రమణ త్వరగా వ్యాపిస్తుందని శాస్త్రవేత్తలు భావిస్తున్నారు. ఇది ఊపిరితిత్తుల కణాలకు విస్తృతంగా నష్టం కలిగించే సామర్థ్యాన్ని కలిగి ఉంటుంది.
