మహారాష్ట్రకు నెక్ట్స్ సీఎం 'కంగన' అవుతుందేమో: వర్మ

నటుడు సుశాంత్ మరణం తరువాత నెలకొన్న పరిస్థితులు బాలీవుడ్ లో హాట్ టాపిక్ గా మారాయి. మహారాష్ట్ర ప్రభుత్వంపై కంగనా విరుచుకుపడుతోంది. తాజా పరిస్థితులు కంగన వర్సెస్ మహారాష్ట్ర ప్రభుత్వంగా సాగుతున్నాయి. సంచలన దర్శకుడు వర్మ ఈ విషయంపై తనదైన శైలిలో ట్విట్టర్ ద్వారా స్పందించారు. పరిస్థితి చూస్తుంటే కంగన రనౌత్ మహారాష్ట్రకు తదుపరి సీఎం అయ్యేలా ఉంది. అదే జరిగితే బాలీవుడ్ టింబ్ క్ టూ (సైగర్ నది ఒడ్డున ఉన్న ఓ ప్రాంతం)కు మకాం మార్చాలి. కంగన సీఎం, అర్ణబ్ గోస్వామి పీఎం అయిన తరువాత శివసేన అంతర్ధానమవుతుంది. కాంగ్రెస్ ఇటలీకి పారిపోతుంది.. కరోనా సోకిన భారత్ కు, కంగన సోకిన శివసేనకు కూడా వ్యాక్సిన్ లేదు.. అని వర్మ వ్యంగ్యంగా పేర్కొన్నారు.