Punjab : ఐపీఎస్ ఆఫీసర్ తో 'ఆప్' మంత్రి వివాహం

ఆమ్ ఆద్మీ పార్టీ (ఆప్) మంత్రి హర్జోత్ సింగ్ బైన్స్ తో ఐపీఎస్ అధికారిణి జ్యోతి యాదవ్‌ తో వివాహం జరిగింది. శనివారం జరిగిన ఈ శుభకార్యానికి పలువురు నాయకులు, సెలబ్రిటీలు హాజరై శుభాకాంక్షలు తెలిపారు. హర్జోత్ సింగ్ బెయిన్స్ పంజాబ్ ముఖ్యమంత్రి భగవంత్ మాన్ ప్రభుత్వంలో విద్యాశాఖ మంత్రిగా ఉన్నారు. పంజాబ్ కేడర్‌కు చెందిన ఐపీఎస్ జ్యోతి యాదవ్ మాన్సా జిల్లాలో సూపరింటెండెంట్ ఆఫ్ పోలీస్‌గా పనిచేస్తున్నారు.

ఆప్ ఎమ్మెల్యే నరేష్ బల్యాన్ గురుద్వారాలో సంప్రదాయ వివాహ దుస్తులలో నూతన వధూవరుల ఫోటోను ట్వీట్ చేశారు. హర్జోత్ సింగ్ బెయిన్స్‌ను అభినందిస్తూ, "పంజాబ్ ప్రభుత్వంలో అతి పిన్న వయస్కుడు, కష్టపడి పనిచేసే మంత్రి, జీవితంలో కొత్త అధ్యాయంలోకి ప్రవేశించినందుకు శుభాకాంక్షలు. దేవుడు మీ ఇద్దరినీ ఎల్లప్పుడూ ఆశీర్వదిస్తాడు " అని బల్యాన్ రాశారు. మంత్రికి, ఐపీఎస్‌ అధికారికి అభినందనలు వెల్లువెత్తాయి.

జ్యోతి యాదవ్ స్వస్థలం హర్యానాలోని గురుగ్రామ్‌. ఆమె AAP ఎమ్మెల్యే రాజిందర్‌పాల్ కౌర్ చినతో బహిరంగ వాదనకు దిగిన తర్వాత గత సంవత్సరం వార్తల్లో నిలిచారు. తన అసెంబ్లీలో తనకు తెలియకుండా ఐపీఎస్ అధికారి సెర్చ్ ఆపరేషన్ చేశారని ఎమ్మెల్యే ఆరోపించారు.