Bilkis Bano: అత్యాచార దోషుల విడుదల అసహ్యమైన చర్య.. SC లో మరో పిటిషన్ దాఖలు చేసిన మహువా మోయిత్రా

Bilkis Bano: బిల్కిస్ బానో కేసులో దోషులను విడుదల చేసిన గుజరాత్ ప్రభుత్వం రిమిషన్ ఆర్డర్‌ను సవాలు చేస్తూ టిఎంసి నాయకురాలు మహువా మోయిత్రాతో సహా రెండు పిటిషన్లు మంగళవారం, ఆగస్టు 23న సుప్రీంకోర్టులో దాఖలయ్యాయి.

మొయిత్రా న్యాయవాది షాదన్ ఫరాసత్ ద్వారా ప్రజా ప్రయోజన వ్యాజ్యం (పిఐఎల్) దాఖలు చేయగా, సీపీఐ(ఎం) నేత సుభాషినీ అలీ, స్వతంత్ర పాత్రికేయురాలు, సినీ నిర్మాత రేవతి లాల్‌, మాజీ ఫిలాసఫీ ప్రొఫెసర్‌, కార్యకర్త రూప్‌రేఖ్‌ వర్మ కలిసి మరో పిటిషన్‌ దాఖలు చేశారు.

2002 గుజరాత్ అల్లర్ల సమయంలో బానోపై సామూహిక అత్యాచారం చేసి, ఆమె మూడేళ్ల కుమార్తెతో సహా 14 మంది కుటుంబ సభ్యులను హత్య చేసిన 11 మంది దోషులను విడుదల చేసేందుకు గుజరాత్ ప్రభుత్వం ఆగస్టు 15న అత్యంత వివాదాస్పదంగా తీసుకున్న చర్యకు వ్యతిరేకంగా రెండు పిటిషన్లు సుప్రీంకోర్టును ఆశ్రయించాయి.

అలీ మరియు ఇతరులు చేసిన పిటిషన్‌ను భారత ప్రధాన న్యాయమూర్తి (సీజేఐ) ఎన్‌వి రమణ, న్యాయమూర్తులు హిమ కోహ్లీ మరియు సిటి రవికుమార్‌లతో కూడిన బెంచ్ ముందు సీనియర్ న్యాయవాది కపిల్ సిబల్ మరియు న్యాయవాది అపర్ణా భట్ ఆగస్టు 24 న అత్యవసరంగా విచారించాలని పిటిషన్‌లో పేర్కొన్నారు.

ఈ అంశాన్ని పరిశీలించేందుకు సీజేఐ రమణ అంగీకరించినప్పటికీ, విచారణకు సంబంధించిన ఉత్తర్వులు ఇంకా జారీ కాలేదు. ముంబైలోని సెషన్స్ కోర్టు 2008లో 11 మంది నిందితులను దోషులుగా నిర్ధారించి జీవిత ఖైదు విధించింది. ఆ తర్వాత సుప్రీం కోర్టు శిక్షను సమర్థించింది.

దోషులకు శిక్ష విధించిన న్యాయమూర్తి

2008లో 11 మందికి యావజ్జీవ కారాగార శిక్ష విధించిన రిటైర్డ్ జస్టిస్ UD సాల్వి, 18 ఆగస్టు, 2022 నాడు వారిని విడుదల చేయడం అత్యంత హేయమైన చర్య అని అన్నారు. ఇది తప్పు.. ఈ చర్యను ఉదాహరణగా తీసుకుని ఇప్పుడు ఇతర గ్యాంగ్ రేప్ కేసుల్లోని దోషులు కూడా ఇదే విధమైన ఉపశమనాలను కోరుకుంటారు," అని బార్ అండ్ బెంచ్ పేర్కొంది.

''తీర్పు చాలా కాలం క్రితమే వెలువడింది. ఇప్పుడు అది ప్రభుత్వం చేతుల్లో ఉంది. రాష్ట్రం నిర్ణయం తీసుకోవాల్సి ఉంది. ఇది సరైనదా కాదా అనేది సంబంధిత కోర్టు లేదా ఉన్నత న్యాయస్థానం చూడాలని జస్టిస్ సాల్వి అన్నారు. భారతీయులు మహిళలను ఎక్కువగా గౌరవించాలని ప్రధాని నరేంద్ర మోదీ ఉద్బోధిస్తున్న తరుణంలో గుజరాత్ ప్రభుత్వం ఇలాంటి ఉత్తర్వులు జారీ చేయడం విడ్డూరంగా ఉందని ఆయన వ్యాఖ్యానించారు.

'భారత న్యాయ వ్యవస్థపై విశ్వాసం సడలింది': బిల్కిస్ బానో

ఆగస్ట్ 17న 11మంది అత్యాచార దోషులను విడుదల చేసిన తర్వాత బిల్కిస్ బానో స్పందించింది.. "నాకు మాటలు రావడం లేదు. నేను ఇంకా నిరుత్సాహంగా ఉన్నాను. ఈ రోజు నేను ఒక్కటే చెప్పగలను - ఏ స్త్రీకి ఇలాంటి న్యాయం జరుగుతుంది.

"రెండు రోజుల క్రితం, ఆగస్ట్ 15, 2022న, 20 సంవత్సరాల గాయం నన్ను మళ్లీ తిరగబెట్టింది. నా కుటుంబాన్ని, నా జీవితాన్ని నాశనం చేసిన 11 మంది దోషులు నా 3 సంవత్సరాల బిడ్డను కూడా హత మార్చారని తెలిసి ఎంతగా రోదించానో ఎవరికి తెలుసు.

ఈ చర్య భారతదేశ న్యాయ వ్యవస్థపై తన విశ్వాసాన్ని కోల్పోయేలా చేసిందని ఆమె పేర్కొంది, "నేను నా దేశంలోని అత్యున్నత న్యాయస్థానాలను విశ్వసించాను.. వ్యవస్తను విశ్వసించాను.. నా గాయంతో జీవించడం నెమ్మదిగా నేర్చుకున్నాను. దోషుల విడుదల నా మనశ్శాంతిని దూరం చేసింది. న్యాయవ్యవస్థపై నాకున్న విశ్వాసాన్ని దూరం చేసింది. "నా దుఃఖం, నా విశ్వాసం నా ఒక్కదాని కోసం కాదు, న్యాయస్థానాలలో న్యాయం కోసం పోరాడుతున్న ప్రతి మహిళ కోసం." అని ఆవేదనగా అన్నారు బిల్కిస్ బానో.

"ఇంత పెద్ద అన్యాయమైన నిర్ణయం తీసుకునే ముందు నా భద్రత గురించి కానీ, నా శ్రేయస్సు గురించి కానీ ఎవరూ ఆరా తీయలేదు. నేను గుజరాత్ ప్రభుత్వానికి విజ్ఞప్తి చేస్తున్నాను.. దయచేసి ఈ నిర్ణయాన్ని రద్దు చేయండి. భయం లేకుండా, శాంతితో జీవించే నా హక్కును నాకు తిరిగి ఇవ్వండి. దయచేసి నా గురించి ఆలోచించండి. ప్రస్తుతం నేను, నా కుటుంబం సురక్షితంగా ఉన్నాము. దోషుల విడుదల వార్తతో మానిన గాయం మళ్లీ బాధిస్తుంది అని ఆమె అన్నారు.