Transwoman Saisha Shinde: ట్రాన్స్ ఉమెన్ డిజైన్ చేసిన గౌనులో మిస్ యూనివర్స్ మెరిసెన్..

Transwoman Saisha Shinde: మిస్ యూనివర్స్ గ్రాండ్ ఫినాలే కోసం, హర్నాజ్ సంధు ట్రాన్స్ ఉమెన్ సైషా షిండే డిజైన్ చేసిన గౌను ధరించింది.

భారతదేశానికి చెందిన హర్నాజ్ సంధు మిస్ యూనివర్స్ 2021 కిరీటాన్ని గెలుచుకుంది. ఆమె పరాగ్వేకు చెందిన నదియా ఫెరీరా మరియు దక్షిణాఫ్రికాకు చెందిన లాలెలా మస్వానేలను ఓడించి గౌరవనీయమైన టైటిల్‌ను గెలుచుకుంది. గ్రాండ్ ఫినాలే కోసం, హర్నాజ్ ట్రాన్స్ ఉమెన్ డిజైనర్ సైషా షిండే డిజైన్ చేసిన గౌను ధరించింది. 21 ఏళ్ల సంధు ఆ గౌనులో మరింత అందంగా కనిపించిందని ప్యానెల్ సభ్యులు తెలిపారు.

హర్నాజ్ గౌనును డిజైన్ చేసిన స్వప్నిల్ షిండే, ట్రాన్స్ ఉమెన్‌గా మారిన తరువాత ఈ ఏడాది జనవరిలో ఇన్‌స్టాగ్రామ్‌ పేజీలో తనని తాను సైషా షిండేగా పరిచయం చేసుకుంది. కరీనా కపూర్, శ్రద్ధా కపూర్, అనుష్క శర్మ వంటి చాలా మంది బాలీవుడ్ నటులకు స్టైలింగ్ చేయడంలో సైషా ప్రసిద్ది చెందింది. ఫ్యాషన్ షోలకు కూడా డిజైన్ చేస్తూ కాస్ట్యూమ్ డిజైనర్‌గా సైషా మంచి పేరు సంపాదించుకుంది. హర్నాజ్ సంధు మిస్ యూనివర్స్ గెలిచిన తర్వాత సైషా షిండే ఈ విషయాన్ని వెల్లడించింది.

చండీగఢ్‌కు చెందిన మోడల్, హర్నాజ్ సంధు గతంలో అనేక అందాల పోటీలను గెలుచుకుంది. ఆమె మిస్ దివా 2021 మరియు ఫెమినా మిస్ ఇండియా పంజాబ్ 2019 కిరీటాన్ని గెలుచుకుంది. ఫెమినా మిస్ ఇండియా 2019లో ఆమె టాప్ 12లో కూడా నిలిచింది. 2000లో లారా దత్తా టైటిల్‌ను గెలుచుకున్న 21 సంవత్సరాల తర్వాత, భారతదేశానికి చెందిన హర్నాజ్ సంధు మిస్ యూనివర్స్ 2021 కిరీటాన్ని గెలుచుకుంది.