UP: బలవంతంగా ముద్దుపెట్టబోతే... కొరికిపారేసింది...
అత్యాచారం చేసేందుకు యత్నించిన ఓ యువకుడికి తగిన బుద్ధి చెప్పింది ఓ యువతి. బలవంతంగా లిప్కిస్ ఇచ్చేందుకు ప్రయత్నిస్తుంటే అతని పెదాలను గట్టిగా కొరికేసింది. దీంతో ఆ యువకుని కింది పెదవి తెగి పడిపోయింది. ఈ ఘటన యూపీలోని మీరట్ లో చోటు చేసుకుంది. పోలీసుల కథనం మేరకు మీరట్లోని దరౌలా పోలీసు స్టేషన్ పరిధిలోని ఓ గ్రామానికి చెందిన మహిళ తన పొలానికి వెళ్లింది. ఆమె ఒంటరిగా ఉండటాన్ని గమనించాడు. తన వద్దకు వెళ్లి బలవంతంగా పొదల్లోకి లాక్కెల్లాడు. అత్యాచారానికి యత్నించాడు. ఈ క్రమంలో పెదాలకు ముద్దుపెడుతుండగా సదరు మహిళ పెదాలను పళ్లతో గట్టిగా కొరికింది. దీంతో ఆ యువకుడి కింది పెదవి తెగింది. మహిళ అరుపులు విన్న స్థానికులు అక్కడికి చేరుకొని యువకుడిని బంధించారు. అనంతరం ఆసుపత్రికి తరలించారు. ఆ యువకుడిపై పోలీసులు కేసు నమోదు చేసుకొని అదుపులోకి తీసుకున్నారు.
© Copyright 2024 : tv5news.in. All Rights Reserved. Powered by hocalwire.com