Vande Metro: 'వందే భారత్' ఎక్స్‌ప్రెస్ రైళ్లకు మినీ వెర్షన్.. 'వందే మెట్రో' త్వరలో
Vande Metro: వందే భారత్ ఎక్స్‌ప్రెస్ రైళ్లకు మినీ వెర్షన్ అయిన వందే మెట్రో సేవలు త్వరలో దేశంలో ప్రారంభించబడతాయి. వందే మెట్రో రైళ్లకు సంబంధించిన డిజైన్ మరియు ఉత్పత్తి ఈ సంవత్సరం పూర్తవుతుంది. వందే మెట్రో సేవలు పెద్ద నగరాల్లోని ప్రజలు తమ పని ప్రదేశం మరియు స్వస్థలాలకు సులభంగా ప్రయాణించడానికి వీలుగా ఉండేవిధంగా ఈ రైళ్లను ప్రారంభించనున్నారు.
"ఒక రాష్ట్రంలోని సమీప ప్రాంతాల ప్రయాణికులకు ప్రయాణాన్ని సులభతరం చేయడానికి వందే మెట్రో రైళ్లు త్వరలో దేశంలో ప్రవేశపెట్టబడతాయి" అని రైల్వే మంత్రి అశ్విని వైష్ణవ్ చెప్పారు.
"మేము వందే మెట్రోను అభివృద్ధి చేస్తున్నాము. పెద్ద నగరాల చుట్టూ, పెద్ద ఆవాసాలు ఉన్నాయి, అక్కడ నుండి ప్రజలు పని కోసం లేదా విశ్రాంతి కోసం పెద్ద నగరానికి వచ్చి తమ స్వస్థలానికి తిరిగి వెళ్లాలనుకుంటున్నారు. అందుకోసం వందే భారత్‌తో సమానమైన వందే మెట్రోతో ముందుకు వస్తున్నాం. ఈ సంవత్సరం డిజైన్ మరియు ఉత్పత్తి పూర్తవుతుంది. వచ్చే ఆర్థిక సంవత్సరంలో రైలు ఉత్పత్తిని వేగవంతం చేయనున్నట్లు అశ్విని వైష్ణవ్ తెలిపారు.
వందే మెట్రో గురించిన మరికొంత సమాచారం..
సెమీ-హై స్పీడ్ వందే భారత్ రైళ్ల స్లీపర్ వెర్షన్‌ను రైల్వే శాఖ అభివృద్ధి చేస్తోంది.
ఈ రైళ్లు ఎనిమిది కోచ్‌లతో ఉంటాయి. చూడడానికి మెట్రో రైలు మాదిరిగానే ఉంటుంది.
వందే భారత్ మెట్రో ప్రయాణికులకు వేగవంతమైన షటిల్ లాంటి అనుభూతిని కలిగిస్తుంది.
ప్రజలు తమ స్వస్థలాల నుండి పెద్ద నగరాల్లోని కార్యాలయాలకు సౌకర్యవంతంగా ప్రయాణించేందుకు వందే మెట్రోను అభివృద్ధి చేస్తున్నారు.
చెన్నైకి చెందిన ఇంటిగ్రల్ కోచ్ ఫ్యాక్టరీ (ICF) మరియు లక్నోకు చెందిన రీసెర్చ్ డిజైన్ అండ్ స్టాండర్డ్ ఆర్గనైజేషన్ (RDSO) జనరల్ మేనేజర్‌లను (GMలు) రైల్వే మంత్రిత్వ శాఖ రైళ్ల తయారీ ప్రక్రియను త్వరగా ప్రారంభించాలని ఆదేశించింది.
వందేభారత్ రైళ్లను తక్కువ కార్ కంపోజిషన్‌తో నడపాలన్న నిర్ణయం ప్రయాణికులకు, ముఖ్యంగా వ్యాపారులు, విద్యార్థులకు, శ్రామిక వర్గాలకు ఒక వరం అని సీనియర్ రైల్వే అధికారి ఒకరు తెలిపారు. వందే భారత్ రైళ్లు ఇప్పుడు ఐసిఎఫ్ చెన్నైతో పాటు లాతూర్ (మహారాష్ట్ర), సోనిపట్ (హర్యానా), రాయ్‌బరేలి (ఉత్తరప్రదేశ్)లలో కూడా తయారు చేయబడతాయని మంత్రి తెలిపారు.
