Blue Aadhaar Card: చిన్నారుల కోసం బ్లూ ఆధార్ కార్డ్.. ఎలా దరఖాస్తు చేయాలి

Blue Aadhar Card: భారతదేశంలో అత్యంత ముఖ్యమైన గుర్తింపు పత్రాలలో ఆధార్ కార్డ్ ఒకటిగా పరిగణించబడుతుంది. ఇటీవల చాలా మంది నమోదిత వినియోగదారులకు ఉపశమనం కలిగించే కొత్త ఫీచర్‌ను ప్రభుత్వం ప్రకటించింది.

వివిధ రంగాలలో గుర్తింపు రుజువుగా ఉపయోగించేందుకు ఆధార్ ఒక ముఖ్యమైన పత్రంగా పరిగణించబడుతుంది. ఇప్పుడు రెండు రకాల ఆధార్ కార్డులు ఉన్నాయి - ఒకటి పెద్దలకు, మరొకటి పిల్లలకు, దీనిని 'బాల్ ఆధార్' అంటారు. నవజాత శిశువు కోసం తల్లిదండ్రులు బాల్ ఆధార్ కోసం దరఖాస్తు చేసుకోవచ్చు. చిన్నారులకు ఇచ్చే ఈ ఆధార్ కార్డ్ ను బ్లూ ఆధార్ కార్డ్ అంటారు. ఆధార్ కోసం నమోదు చేసుకోవడానికి అనుసరించ వలసిన మార్గదర్శకాలు..

బ్లూ ఆధార్ కార్డ్ అంటే ఏమిటి?

UIDAI ప్రకారం, 5 సంవత్సరాల కంటే తక్కువ వయస్సు ఉన్న పిల్లలను బ్లూ ఆధార్ కార్డ్ కోసం నమోదు చేయడానికి, పిల్లల జనన ధృవీకరణ పత్రం మరియు తల్లిదండ్రులలో ఒకరి ఆధార్ కార్డ్ నంబర్ అవసరం.

ఐదేళ్లలోపు పిల్లలకు బయోమెట్రిక్‌లు అభివృద్ధి చేయనందున, పిల్లల నీలిరంగు ఆధార్ డేటాలో వేలిముద్రలు మరియు ఐరిస్ స్కాన్‌ల వంటి బయోమెట్రిక్ సమాచారం ఉండదు. UIDAI అధికారి ప్రకారం, పిల్లల వయస్సు ఐదు సంవత్సరాలు దాటిన తర్వాత, బయోమెట్రిక్‌లను నవీకరించాలి.

బ్లూ ఆధార్ కార్డ్‌లో ఐదేళ్లలోపు పిల్లలకు 12 అంకెల సంఖ్య ఉంటుంది. పిల్లల వయస్సు ఐదు సంవత్సరాలు దాటిన తర్వాత అది చెల్లదు. బ్లూ ఆధార్ కార్డ్ కోసం ఎలా దరఖాస్తు చేయాలి? దశల వారీగా..

1. ముందుగా, సమీపంలోని ఆధార్ కార్డ్ ఎన్‌రోల్‌మెంట్ కేంద్రాన్ని సందర్శించే ముందు, అడ్రస్ ప్రూఫ్ మరియు పిల్లల జనన ధృవీకరణ పత్రం వంటి అవసరమైన అన్ని పత్రాలను సేకరించండి.

2. ఆ తర్వాత ఆధార్ కార్డ్ ఎన్‌రోల్‌మెంట్ సెంటర్‌లో మీ అపాయింట్‌మెంట్‌ను బుక్ చేసుకోండి లేదా నేరుగా సందర్శించండి.

3. దరఖాస్తు ఫారమ్ పూర్తి చేసి దానితో పాటు అవసరమైన పత్రాలను జత చేయాలి. తల్లిదండ్రులు తమ స్వంత ఆధార్ సమాచారాన్ని అందించాలి.

4. బ్లూ ఆధార్ కార్డ్ కోసం రిజిస్టర్ చేసుకోవడానికి మొబైల్ నంబర్‌ను కూడా అందించాలి.

5. ఆ తర్వాత, ఎన్‌రోల్‌మెంట్ సెంటర్‌లో పిల్లలను ఫోటో తీస్తారు.

5. పిల్లల 'ఆధార్' అతని/ఆమె తల్లిదండ్రుల UID (ఆధార్ కార్డ్ నంబర్)కి లింక్ చేయబడుతుంది

6. అన్ని పత్రాలు నమోదు కేంద్రంలో ధృవీకరించబడతాయి.

7. నిర్ధారణ తర్వాత, రసీదు స్లిప్‌ తీసుకోండి. పైన పేర్కొన్న రిజిస్టర్డ్ మొబైల్ నంబర్‌కు సమాచారం వస్తుంది.

8. నమోదు చేసుకున్న 60 రోజులలోపు, నవజాత శిశువుకు ఆధార్ కార్డ్ నంబర్ జారీ చేయబడుతుంది.