Bangkok: 21 ఏళ్లుగా భార్య శవంతోనే భర్త.. ఇన్నాళ్లకు అంత్యక్రియల కోసం..

Bangkok: కొన్ని బంధాలను చనిపోయిన తర్వాత కూడా ఎవరూ విడదీయలేరు. అలా అని చనిపోయిన వారి శవాన్ని ఇంట్లోనే పెట్టుకొని దానితో జీవించే వారు ఉంటారా..? ఉన్నారు.. బ్యాంకాక్‌లో ఓ వ్యక్తి ఒకటి కాదు రెండు కాదు దాదాపు 21 ఏళ్ల పాటు భార్య శవాన్ని ఇంట్లోనే పెట్టుకున్నాడు. ఇన్నాళ్లకి ఆ వ్యక్తి ఈ విషయాన్ని తానే స్వయంగా బయటపెట్టాడు.

బ్యాంకాక్‌లో ఓ వ్యక్తి తన భార్య, ఇద్దరు కొడుకులతో సంతోషంగా జీవించేవాడు. అదే సమయంలో పలు ఆరోగ్య కారణాల వల్ల తన భార్య మృతిచెందింది. చనిపోయిన తర్వాత కూడా ఆ శవాన్ని ఓ శవపేటికలో పెట్టి ఎవరికీ చెప్పకుండా ఇంట్లోనే పెట్టుకున్నాడు ఆ వ్యక్తి. కొన్నాళ్లకు తన ప్రవర్తన వల్ల విసిగిపోయిన కొడుకులు కూడా తనను వదిలేసి వెళ్లిపోయారు. భార్య చనిపోయి 21 ఏళ్లు అయినా కూడా ఇప్పటికీ ఆ శవపేటికలోని శవం అలాగే ఉంది.

ఎవరైనా చనిపోతే అంత్యక్రియలు నిర్వహించడం తప్పనిసరి అని తెలుసుకున్న ఆ వ్యక్తి.. ఇన్నాళ్లకు తన భార్యకు అంత్యక్రియలు నిర్వహించాలని నిర్ణయించుకున్నాడు. దీంతో తనకు తెలిసిన ఓ ఛారిటబుల్ ట్రస్ట్‌‌ను సంప్రదించి తన భార్యకు అంత్యక్రియలు నిర్వహించమని కోరాడు. వారు అంత్యక్రియలు పూర్తి చేసిన తర్వాత తానొక వ్యాపార పని మీద బయటికి వెళ్తున్నానని.. తిరిగి ఇంటికి వచ్చేస్తానని మటిస్తున్నానని తన భార్య శవంతో చెప్పడం అక్కడ ఉన్నవారందరినీ ఆశ్చర్యపరిచింది.