Covid - 19 : గత 24 గంటల్లో 5,357 కొత్త కోవిడ్ కేసులు

దేశంలో రోజు రోజుకు కోవిడ్ కేసులు పెరుగుతున్నాయి. ఆదివారం కేంద్ర ఆరోగ్య మంత్రిత్వ శాఖ డేటా ప్రకారం, భారతదేశంలో గత 24 గంటల్లో 5,357 కొత్త కోవిడ్ కేసులు నమోదయ్యాయి, దీంతో యాక్టివ్ కాసులు 32,814 కి చేరుకున్నాయి. గత 24 గంటల్లో 659 డోస్‌ల వ్యాక్సిన్‌ను అందించినట్లు అధికారులు తెలిపారు. దేశవ్యాప్తంగా వ్యాక్సినేషన్ డ్రైవ్ కింద ఇప్పటివరకు మొత్తం 220.66 కోట్ల వ్యాక్సిన్ డోసులు (95.21 కోట్ల రెండవ డోస్, 22.87 కోట్ల ముందస్తు జాగ్రత్త మోతాదు) అందించబడ్డాయి. గత 24 గంటల్లో 3,726 మంది కోలుకోవడంతో మొత్తం రికవరీల సంఖ్య 4,41,92,837కి పెరిగింది. రికవరీ రేటు 98.74 శాతంగా ఉంది.