సమస్తం

Mahesh Babu: మొదటిసారి మహేశ్ బాబు అలా.. తమిళ స్టార్ హీరోతో కలిసి..

Mahesh Babu: ఏ సినిమాలో మహేశ్ బాబు గెస్ట్ రోల్ మాత్రం చేయలేదు. ఇప్పుడు తానే ఆ రూల్ బ్రేక్ చేయనున్నాడు.

Mahesh Babu: మొదటిసారి మహేశ్ బాబు అలా.. తమిళ స్టార్ హీరోతో కలిసి..
X

Mahesh Babu: పాన్ ఇండియా సినిమాల కల్చర్ ప్రారంభమయిన తర్వాత ఏ హీరో కూడా ఒక భాషకే పరిమితం కావడం లేదు. కుదిరినప్పుడు వేరే భాషా చిత్రాల్లో, ఇతర భాషల హీరోలతో కూడా కలిసి నటిస్తున్నారు. ఇప్పటివరకు గెస్ట్ రోల్స్ చేయని మహేశ్ బాబు కూడా ఇప్పుడు ఈ లిస్ట్‌లోకి చేరనున్నట్టు తెలుస్తోంది. ఓ తమిళ చిత్రంలో మహేశ్ గెస్ట్ రోల్ చేయనున్నాడని టాక్ వైరల్ అవుతోంది.

మహేశ్ బాబు ఇప్పటివరకు హీరోగానే కాకుండా నిర్మాతగా కూడా పలు చిత్రాలను నిర్మించాడు. అంతే కాకుండా అప్పుడప్పుడు పలువురు స్టార్ హీరోల సినిమాలకు వాయిస్ ఓవర్ అందించాడు. కానీ ఏ సినిమాలో గెస్ట్ రోల్ మాత్రం చేయలేదు. ఇప్పుడు తానే ఆ రూల్ బ్రేక్ చేయనున్నాడు. తన స్నేహితుడు, దర్శకుడు వంశీ పైడిపల్లి కోసమే మహేశ్ ఈ నిర్ణయం తీసుకున్నట్టు సమాచారం.


ప్రస్తుతం వంశీ పైడిపల్లి.. తమిళ స్టార్ హీరో విజయ్‌తో ఓ సినిమా చేస్తున్నాడు. తమిళంతో పాటు తెలుగులో కూడా ఈ మూవీ విడుదల కానుంది. ఇప్పటికే షూటింగ్ ప్రారంభించుకున్న 'తళపతి 66'లో మహేశ్ గెస్ట్ రోల్ చేస్తున్నట్టు టాక్ వినిపిస్తోంది. ఇటీవల వంశీ పైడిపల్లి ఈ విషయంపై మహేశ్‌ను ఒప్పించాడట. ఇదే నిజమైతే రెండు ఇండస్ట్రీలో స్టార్ హీరోలను ఒకే స్క్రీన్‌పై చూడడానికి ప్రేక్షకుల్లో ఆసక్తి పెరగడం సినిమాకు ప్లస్ అవుతుంది.



Divya Reddy

Divya Reddy

TV5 News Desk


Next Story

RELATED STORIES