సీఎం సిద్ధరామయ్య క్యాబినెట్ లోకి మరో 24 మంది మంత్రులు..

కర్ణాటక ముఖ్యమంత్రి సిద్ధరామయ్య ప్రభుత్వంలో మరో 24 మంది మంత్రులు శనివారం ప్రమాణస్వీకారం చేయనున్నారు. సిద్ధరామయ్య, డీకే శివకుమార్‌, పార్టీ నేతల మధ్య జరిగిన సమావేశంలో ఈ పేర్లను ఖరారు చేసినట్లు తెలుస్తోంది. ముఖ్యమంత్రి ఈరోజు రాహుల్ గాంధీని కలవనున్నారు. మే 20న సిద్ధరామయ్య ముఖ్యమంత్రిగా, డీకే శివకుమార్ ఉప ముఖ్యమంత్రిగా ప్రమాణ స్వీకారం చేశారు. కాంగ్రెస్ చీఫ్ మల్లికార్జున్ ఖర్గే కుమారుడు ప్రియాంక్ ఖర్గే సహా ఎనిమిది మంది ఎమ్మెల్యేలు కూడా వారితో పాటు మంత్రులుగా ప్రమాణం చేశారు.

అయితే, ఇప్పటి వరకు పోర్ట్‌ఫోలియోల కేటాయింపు జరగలేదు. ఈ పరిస్థితిని బిజెపి తప్పుపట్టింది. బిఎస్ యడ్యూరప్ప ముఖ్యమంత్రిగా ఉన్నప్పుడు ఇలాంటి పరిస్థితే తలెత్తితే కాంగ్రెస్ దానిని ప్రతిఘటించింది. వివిధ వర్గాలను సమతూకం చేసి ప్రాతినిధ్యం వహించాల్సిన అవసరం ఉన్నందున మంత్రి జాబితాను రూపొందించడం లేదా పోర్ట్‌ఫోలియోల కేటాయింపు కాంగ్రెస్‌కు కొంచెం కష్టమైన వ్యవహారమే అని నాయకులు భావిస్తున్నారు.

రాష్ట్రంలో రాజకీయంగా అత్యంత కీలకమైన వర్గమైన లింగాయత్‌లు కాంగ్రెస్‌ గెలుపునకు కారణమయ్యారని ముఖ్యమంత్రి పదవిపై దావా వేశారు. లింగాయత్ ముఖ్యమంత్రి లేకపోవడంతో ఆ సామాజికవర్గానికి చెందిన ఎమ్మెల్యేలకు మంత్రి పదవులు దక్కుతాయని ఊహాగానాలు వినిపిస్తున్నాయి.వచ్చే ఏడాది సార్వత్రిక ఎన్నికలు ఉన్నందున, ఎన్నికలకు ముందు ఇచ్చిన హామీలను నెరవేర్చాలని కాంగ్రెస్ కూడా ప్రయత్నిస్తోంది.

ముస్లిం కోటా, హిజాబ్ నిషేధం, మతమార్పిడి నిరోధక చట్టంపై నిర్ణయాలను తీసుకురావాలనే అంశాలను లేవనెత్తుతూ, గత బీజేపీ ప్రభుత్వ విధానాలను ఎండగడుతూ, వాటిని సరిదిద్దాలని కొత్త కాంగ్రెస్ ప్రభుత్వం భావిస్తోందని మంత్రిగా ఎన్నికైన ప్రియాంక్ ఖర్గే స్పష్టం చేశారు. ఉపాధిని సృష్టించని, రాష్ట్రంలో అసమానతను సృష్టించే ఏదైనా బిల్లు, ఏవైనా ఇతర బిల్లులు అవసరమైతే సమీక్షించబడతాయి లేదా తిరస్కరించబడతాయి" అని ఆయన జాతీయ మీడియాకు ఇచ్చిన ఇంటర్వ్యూలో చెప్పారు.

కర్ణాటకలో కాంగ్రెస్ భారీ విజయాన్ని సాధించింది. రాష్ట్రంలోని 224 సీట్లలో 135 స్థానాలను గెలుచుకుంది. రాష్ట్రంలో అధికారంలో ఉన్న బీజేపీ 66, హెచ్‌డీ కుమారస్వామికి చెందిన జనతాదళ్ సెక్యులర్ 19 సీట్లు గెలుచుకున్నాయి.