Encounter: జమ్మూకశ్మీర్‌లోని కుల్గామ్‌లో ఎన్కౌంటర్
జమ్మూ కశ్మీర్‌ లోని కుల్గామ్‌ లో మంగళవారం భారీ ఎన్కౌంటర్ జరిగింది. ఈ ఘటనలో ముగ్గురు ఉగ్రవాదులు హతమయ్యారు కుల్గామ్‌లోని రెడ్‌వానీ ప్రాంతంలో ఉగ్రవాదులు నక్కిఉన్నారని ముందుగా సమాచారం అందుకున్న భద్రతా దళాలు సోమవారం అర్ధరాత్రి వారి కోసం గాలింపు ప్రారంభించారు. ఈ గాలింపులో ఉగ్రవాదుల కదలికలను గుర్తించిన భద్రతా దళాలు వారిపై కాల్పులు జరిపి ముగ్గురిని మట్టుబెట్టారు. ప్రస్తుతం అక్కడ గాలింపు కొనసాగుతోంది.
మే 1న, ఏప్రిల్ 28న ఉగ్రవాదులతో జరిగిన క్లుప్త ఎన్‌కౌంటర్‌లో గ్రామ రక్షణ గార్డు (VDG) మరణించిన తర్వాత రెండు గ్రూపుల ఉగ్రవాదులను గుర్తించేందుకు భద్రతా సంస్థలు కథువా జిల్లాకు సెర్చ్ ఆపరేషన్ పరిధిని విస్తరించాయి. చొచ్రు గాలా ఎత్తులోని మారుమూల పనారా గ్రామంలో ఎన్కౌంటర్ జరిగింది. ఏప్రిల్ 29న అడిషనల్ డైరెక్టర్ జనరల్ ఆఫ్ పోలీస్ (జమ్మూ జోన్) ఆనంద్ జైన్ మాట్లాడుతూ, ఇటీవల సరిహద్దు దాటి చొరబడిన తర్వాత రెండు గ్రూపుల ఉగ్రవాదులు ఈ ప్రాంతంలో ఉన్నారని విశ్వసిస్తున్నట్లు చెప్పారు.