Uttar Pradesh: ఆరుగురు ఐసిస్ ఉగ్రవాదుల అరెస్ట్..
దేశవ్యాప్తంగా దాడులకు ప్లాన్ చేసినందుకు ఏడుగురు అనుమానిత ఐఎస్ఐఎస్ ఉగ్రవాదులపై ఎన్‌ఐఏ చార్జిషీట్ దాఖలు చేసింది. ఉత్తరప్రదేశ్‌లోని యాంటీ టెర్రర్ స్క్వాడ్ రాష్ట్రంలోని వివిధ ప్రాంతాలకు చెందిన ఆరుగురు అనుమానిత ఐఎస్ఐఎస్ కార్యకర్తలను అరెస్టు చేసింది. ఆరుగురిలో నలుగురిని రకీబ్ ఇనామ్, నవేద్ సిద్ధిఖీ, మహ్మద్ నోమన్ మరియు మహ్మద్ నజీమ్‌లుగా గుర్తించారు. అరెస్టైన నిందితులందరూ అలీఘర్ యూనివర్సిటీ విద్యార్థి సంస్థ అలీఘర్ యూనివర్సిటీ విద్యార్థులతో సంబంధం కలిగి ఉన్నారు. అలీఘర్ యూనివర్సిటీ విద్యార్థి సంస్థ సమావేశాల ద్వారా ఒకరికొకరు పరిచయం అయ్యారు.
దేశంలో హింస, ఉగ్రవాదాన్ని పెంపొందించాలనుకుంటున్నారని ఎన్‌ఐఏ వర్గాలు పేర్కొన్నాయి. నిందితులం దరూ విద్యావంతులు, మంచి సాంకేతిక పరిజ్ఞానం ఉన్నవాళ్లు. వీరు మహారాష్ట్రలోని పూణేలో అనేక సమావేశాలు నిర్వహించి, వాట్సాప్ గ్రూపు ల ద్వారా మరింత మంది సభ్యులను రిక్రూట్ చేయడానికి ప్రణాళికలు రూపొందించినట్లు ఛార్జిషీట్‌లో వెల్లడి చేసింది.
ఉత్తరప్రదేశ్ యాంటీ టెర్రర్ స్క్వాడ్ తెలిపిన వివరాల ప్రకారం నిందితులు దేశంలో పెద్ద ఉగ్రదాడి చేయడానికి ప్లాన్ చేశారు. యూపీ ఏటీఎస్ ఆరుగురిని అరెస్టు చేయడంతో అలీఘర్ యూనివర్సిటీకి చెందిన విద్యార్థుల సంస్థ ఉగ్రవాద నెట్‌వర్క్ వెలుగులోకి వచ్చింది. ఎస్ఏఎంయూ సమావేశాలు ఐఎస్ఐఎస్ కొత్త రిక్రూట్‌మెంట్ సెల్‌గా మారాయని ఉత్తరప్రదేశ్ యాంటీ టెర్రర్ స్క్వాడ్ పేర్కొంది.
ఆధారాల ప్రకారం అలీఘర్ విశ్వవిద్యాలయంలోని ఇతర విద్యార్థులు కూడా కేంద్ర సంస్థల రాడార్‌లో ఉన్నారు. పూణె ఇస్లామిక్ స్టేట్ (ఐఎస్ఐఎస్) మాడ్యూల్ కేసులో ఎన్‌ఐఏ అరెస్టు చేసిన రిజ్వాన్, షానవాజ్‌లను విచారించగా, అలీగఢ్ ముస్లిం యూనివర్శిటీకి చెందిన చాలా మంది విద్యార్థులు దేశ వ్యతిరేక అజెండాను విస్తరింపజేయడంలో నిమగ్నమై ఉన్నారని తేలింది. సోషల్ మీడియా, ఐఎస్ఐస్ పాన్ ఇండియా నెట్‌వర్క్‌కు అనుసంధానం చేయబడ్డారు. రిజ్వాన్, షానవాజ్‌లను విచారించిన యూపీ ఏటీఎస్ ఇప్పటివరకు ఆరుగురిని అరెస్టు చేసింది.