Karnataka: చెరువు కట్టపై వెళ్తుండగా అదుపు తప్పిన బస్సు.. 8 మంది అక్కడికక్కడే మృతి..

Karnataka: ఆంధ్ర-కర్నాటక సరిహద్దులో ఘోర రోడ్డు ప్రమాదం జరిగింది. ఎస్‌ఎల్‌వీ ప్రైవేట్ ట్రావెల్స్ బస్సు బోల్తా పడడంతో.. 8 మంది అక్కడికక్కడే దుర్మరణం పాలయ్యారు. దాదాపు 25 మందికి గాయాలయ్యాయి. ప్రయాణికులు బస్సుకింద చిక్కుకోవడంతో.. వారిని రక్షించేందుకు స్థానికులు సహాయక చర్యలు చేపట్టారు. చెరువు కట్టపై వెళ్తుండగా అదుపు తప్పి బస్సు బోల్తా పడింది. ఆ సమయంలో కొందరు బస్‌ టాప్‌పై కూర్చున్నారు. బస్సులో ఉన్నవారికి తీవ్ర గాయాలయ్యాయి. మృతుల్లో కాలేజీ విద్యార్థులు ఉన్నట్లు సమాచారం అందుతోంది. వైఎన్‌ హోసకోట నుంచి పావగడ వెళ్తుండగా.. బస్సు పావడ పలవలహళ్లి దగ్గర ప్రమాదానికి గురైంది.