కారు బోనెట్ లో 7 అడుగుల కొండచిలువ.. భయంతో మెకానిక్ కేకలు..

స్కార్పియో బోనెట్‌లో ఏడు అడుగుల పొడవున్న కొండచిలువ దాక్కుని ఉంది. మెకానిక్‌ కారు బానెట్‌ను తెరవడంతో ఈ విషయం వెలుగులోకి వచ్చింది. బానెట్ తెరవగానే మెకానిక్, కారు యజమాని స్పృహ కోల్పోయారు. అనంతరం స్థానిక పోలీసులకు సమాచారం అందించారు. కొద్దిసేపటికి అటవీ శాఖ బృందం వచ్చి కొండచిలువను జాగ్రత్తగా పట్టుకుని సురక్షిత ప్రాంతంలో విడిచిపెట్టింది.

కొండచిలువను చూసేందుకు జనం గుమిగూడారు. కారులో ఉన్న కొండచిలువను చూసి యజమాని భయాందోళనకు గురయ్యాడు. అదృష్టవశాత్తూ అది ఎవరికీ హాని చేయలేదు.

ప్రయాగ్‌రాజ్‌లోని సివిల్ లైన్స్ ప్రాంతంలోని గ్యారేజీకి ఒక వ్యక్తి తన స్కార్పియోలోని ఏసీని రిపేర్ చేయింకోవడానికి వచ్చాడు. మెకానిక్ ఇమ్రాన్ చెక్ చేయడానికి కారు బానెట్‌ను తెరిచినప్పుడు అందులోని కొండ చిలువను చూసి భయంతో వణికి పోయాడు. అతని పాదాల కింద నేల జారిపోయింది. పెద్దగా అరవడం మొదలుపెట్టి కారుకు దూరంగా నిలబడ్డాడు.

అనంతరం అక్కడ జనం గుమిగూడారు. అయితే కొండచిలువ మాత్రం కారులోనే నిశ్శబ్దంగా కూర్చుని ఉంది. ఇంతలో కొంత మంది ఆ కొండచిలువను తమ మొబైల్‌లో వీడియో తీయడం ప్రారంభించారు. అనంతరం డయల్ 112కు సమాచారం అందించడంతో అటవీశాఖ సిబ్బంది వచ్చి ఏడు అడుగుల పొడవున్న కొండచిలువను పట్టుకున్నారు.