9 రోజుల ముందే అమర్‌నాథ్ యాత్ర ముగింపు

అమర్ నాథ్ యాత్ర తొమ్మిది రోజుల ముందే ముగియనుంది. గత నెల 1 న ప్రారంభమైన యాత్ర.. 62 రోజు పాటు కొనసాగాల్సి ఉండగ.. ఈనెల 23 నుంచి తాత్కాలికంగా విరామమిస్తున్నట్లు అమర్‌నాథ్ ట్రస్ట్ వర్గాలు తెలిపాయి. అమర్‌నాథ్ యాత్రకు ఉన్న రెండు ప్రధాన మార్గాల్లో మరమ్మత్తుల కారణంగా ఈ నిర్ణయం తీసుకున్నారు. ఈనెల 31న జరగనున్న శివదండం ఊరేగింపు కార్యక్రమం పహల్గామ్ మార్గంలో యథావిధిగా కొనసాగుతుంది. యాత్ర ప్రారంభమైనప్పటి నుంచి ఇప్పటి వరకు 4.4 లక్షల మంది భక్తులు అమర్నాథుడుని దర్శించుకున్నారు.

జులై 1 నుంచి ఆగస్టు 31 వరకు 62 రోజుల పాటు అమర్‌నాథ్ యాత్రకు కేంద్రం ఏర్పాటు చేసింది. దక్షిణ కశ్మీర్​లోని హిమాలయ పర్వతాల్లో, భూమికి 3,880 మీటర్ల ఎత్తులో అమర్‌నాథ్​ఆలయం ఉంది. గుహలోని శివలింగాన్ని దర్శించుకునేందుకు ఏటా లక్షలాది మంది భక్తులు దేశ నలుమూల నుంచి తరలివెళ్తుంటారు. అనంతనాగ్​జిల్లా పహల్గామ్, గండర్​బాల్​ జిల్లా బల్టాల్​మార్గాల్లో 2023 అమర్​నాథ్​యాత్ర కొనసాగింది.