ఇరాన్‌లో బీహార్ ఇంజనీర్ అదృశ్యం.. కేంద్రం సహాయం కోరుతున్న కుటుంబం..
ఇజ్రాయెల్ ఇరాన్‌పై భీకర దాడులు చేస్తోంది. ఈ నేపథ్యంలో బీహార్ కు చెందిన యువ ఇంజనీర్ అదృశ్యమైనట్లు తెలుస్తోంది.
బీహార్‌లోని సివాన్‌కు చెందిన ఒక ఇంజనీర్ ఇరాన్‌లో అదృశ్యమయ్యాడు. తప్పిపోయిన యువకుడిని ముఫాసిల్ పోలీస్ స్టేషన్ ప్రాంతంలోని రామపాలి గ్రామానికి చెందిన సిరాజ్ అలీ అన్సారీ (25) గా గుర్తించారు.
అతను ఒక పెట్రోలియం కంపెనీలో క్వాలిటీ కంట్రోల్ ఇంజనీర్‌గా పనిచేస్తున్నాడు. అదృశ్యమైన సమయంలో ఇరాన్‌లో పోస్ట్ చేయబడ్డాడు. సిరాజ్ సౌదీ అరేబియాకు వెళ్లి జూన్ 9న అక్కడి నుండి ఇరాన్ చేరుకున్నాడని అతని తండ్రి హజ్రత్ అలీ తెలిపారు.
అయితే, సిరాజ్ వెళ్లిన కొద్ది రోజులకే ఇరాన్, ఇజ్రాయెల్ మధ్య ఉద్రిక్తతలు వివాదానికి దారితీశాయి. సిరాజ్ నుండి చివరి కమ్యూనికేషన్ జూన్ 17 మధ్యాహ్నం 2 గంటల ప్రాంతంలో తన తండ్రితో మాట్లాడాడు. తరువాత నుండి సిరాజ్ ఫోన్ స్విచ్ ఆఫ్ చేయబడింది, ఎవరితోనూ సంబంధాలు లేవు. "మేము చివరిసారిగా మాట్లాడినప్పుడు, అతను సురక్షితమైన ప్రదేశంలో ఉన్నానని నాకు చెప్పాడు, కానీ అతను బస చేసిన ప్రదేశానికి కేవలం ఒక కిలోమీటరు దూరంలో బాంబు దాడులు జరిగాయి" అని హజ్రత్ అలీ అన్నారు.
"మేము చాలా ఆందోళన చెందుతున్నాము. ఆ రోజు నుండి అతని నుండి ఎటువంటి సమాచారం లేదు." సిరాజ్ అదృశ్యంతో బాధపడ్డ ఆ కుటుంబం, సిరాజ్ సురక్షితంగా తిరిగి వచ్చేలా చేయమని విదేశాంగ మంత్రిత్వ శాఖను, భారత ప్రభుత్వం తక్షణం జోక్యం చేసుకోవాలని కోరుతూ సివాన్ జిల్లా మేజిస్ట్రేట్ ఆదిత్య ప్రకాష్‌కు లిఖితపూర్వక విజ్ఞప్తిని సమర్పించారు.
"భారత ప్రభుత్వానికి మరియు విదేశాంగ మంత్రిత్వ శాఖకు నా వినయపూర్వకమైన అభ్యర్థన ఏమిటంటే, నా కొడుకు మరియు ప్రస్తుతం సంఘర్షణ ప్రాంతంలో చిక్కుకున్న ఇతర భారతీయులందరినీ సురక్షిత ప్రాంతానికి తరలించండి అని కోరుతున్నారు.
సిరాజ్ అవివాహితుడు. అతడికి ఇద్దరు సోదరులు, ఒక సోదరి ఉన్నారు. అందరిలో సిరాజ్ పెద్దవాడు. అతని అదృశ్యం అతని కుటుంబ సభ్యులందరినీ తీవ్ర ఆందోళనకు గురిచేసింది. ఇరాన్-ఇజ్రాయెల్ వివాదం తీవ్రమవుతున్న కొద్దీ, ఈ ప్రాంతంలో పనిచేస్తున్న భారతీయుల కుటుంబాలు తమ వారి భద్రత పట్ల ఆందోళన చెందుతున్నాయి.