New Delhi : అమ్మకానికి గవర్నర్ సీటు.. గుట్టు రట్టు చేసిన సీబీఐ..

New Delhi : అమ్మకానికి ఎంపీ ఎమ్మెల్యే టికెట్లే కాదు.. ఇప్పుడు రాజ్యసభ ఎంపీ సీట్లు, గవర్నర్ పదవులు కూడా ఉన్నాయి. రూ.100 కోట్లకు రాజ్యసభ సీటు లేదంటే గవర్నర్ సీటు ఇప్పుస్తామని మోసం చేస్తున్న ఓ ముఠాను సీబీఐ రెడ్ హ్యాండెడ్‌గా పట్టుకుంది.

నాలుగు వారాలుగా ఈ ముఠా గుట్టుచప్పుడు కాకుండా బేరాలు నిర్వహించినట్లు సీబీఐ అధికారులకు సమాచారం ఉంది. ఫోన్ కాల్స్ ద్వారా నిందితులను రెడ్ హ్యాండెడ్‌గా పట్టుకొని అదుపులోకి తీసుకున్నారు.

ఒక బేరం కుదిరి చేతులు మారుతున్న సమయంలోనే సీబీఐ అధికారులు గుట్టు రట్టు చేశారు. ఈ కేసులో నలుగురు పట్టుబడ్డారు.. కర్మలాకర్ ప్రేమ్‌కుమార్ బండ్గార్ (మహారాష్ట్ర), రవీంద్ర విఠల్ నాయక్ (కర్ణాటక), మహేంద్ర పాల్, అభిషేక్ బురాగా (ఢిల్లీ). పట్టుబడ్డ నిందితులు గతంలో తాము సీబీఐ అధికారులమని చెప్పి ఉన్నత పోలీస్ అధికారులనే బురిడీ కొట్టించినట్టు తెలుస్తోంది.