Chennai: పారిశుద్ధ్య కార్మికురాలికి దొరికిన పసిడి.. ఆమె నిజాయితీకి మెచ్చిన సీఎం లక్షరూపాయలతో..

48 ఏళ్ల శానిటరీ వర్కర్ పద్మ ఆదివారం తాను గమనించకుండా దొరికిన 45 తులాల బంగారాన్ని పోలీసులకు తిరిగి ఇచ్చింది. గతంలో వచ్చిన ఫిర్యాదు ఆధారంగా పాండి బజార్ పోలీసులు యజమానులను గుర్తించారు.

ఆదివారం మధ్యాహ్నం టి నగర్‌లో తన దినచర్య షిఫ్ట్‌లో పద్మ ఉండగా, పాండీ బజార్‌లోని తోపుడు బండిపై బ్యాగ్ కనిపించింది. లోపల నగలు కనిపించడంతో, ఆమె తన సూపర్‌వైజర్లకు సమాచారం ఇచ్చి, పౌర అధికారులతో కలిసి అదే రోజు సాయంత్రం బ్యాగ్‌ను పోలీసులకు అప్పగించింది.

పోలీసుల విచారణలో ముత్తమ్మన్ కోయిల్ స్ట్రీట్ సమీపంలో ఒక స్నేహితుడితో మాట్లాడుతుండగా ఒక ఆభరణాల వ్యాపారి ఆ బ్యాగును పొరపాటున అక్కడే వదిలివేసినట్లు తేలింది. బ్యాగు మరచిపోయానని వెళ్లిన తరువాత గుర్తుకు వచ్చింది. వెంటనే వదిలిన స్థలంకు వెళ్లి చూస్తే అక్కడ లేదు. దాంతో తిరిగి అక్కడికి చేరుకున్నప్పటికీ అది కనిపించలేదు. పోలీసులకు సమాచారం అందించాడు.

ధృవీకరణ తర్వాత, గ్రేటర్ చెన్నై పోలీసులు (GCP) బ్యాగు యాజమాన్యాన్ని నిర్ధారించి, చట్టపరమైన లాంఛనాల తర్వాత బంగారు ఆభరణాలను యజమానికి తిరిగి ఇచ్చారు.

ముఖ్యమంత్రి ఎంకే స్టాలిన్ కు పారిశుద్ధ్య కార్మికురాలి విషయం తెలిసి ఆమెను ప్రశంసించారు. లక్ష రూపాయల చెక్కును అందజేశారు. పద్మ పోలీసులకు అప్పగించిన 45 సవర్ల బంగారం విలువ రూ. 45 లక్షలు అని తెలిసింది.