మూత్ర విసర్జన ఘటనలో సీఎం స్పందన.. క్షమాపణలు కోరి, గిరిజనుడి కాళ్లు కడిగి..
ఓ వ్యక్తి చేసిన అత్యంత హేయమైన చర్యకు తాను బాధ్యత వహిస్తూ సీఎం బాధితుడి కాళ్లు కడిగారు. గిరిజన కూలీని తన అధికారిక నివాసంలో కలిసిన ముఖ్యమంత్రి ఘటనపై క్షమాపణలు చెప్పారు. మధ్యప్రదేశ్ ముఖ్యమంత్రి శివరాజ్ సింగ్ చౌహాన్ గురువారం గిరిజన కూలీని కలిశారు. శివరాజ్ సింగ్ చౌహాన్ గౌరవ సూచకంగా దష్మేష్ రావత్ అనే కార్మికుడి పాదాలను కడిగారు.
ఘటనపై ముఖ్యమంత్రి దశమేష్ రావత్‌కు క్షమాపణలు చెప్పారు. అతను కార్మికుడి పాదాలను కడుగుతున్న చిత్రాలను శివరాజ్ సింగ్ చౌహాన్ ట్విట్టర్ హ్యాండిల్‌లో పంచుకున్నారు. సిద్ధి జిల్లాలో కార్మికుడిపై మూత్ర విసర్జన చేస్తూ కెమెరాలో చిక్కుకున్న ప్రవేశ్ శుక్లాను అరెస్టు చేశారు. ఈ చర్యకు సంబంధించిన వీడియో వైరల్‌గా మారడంతో అతడిపై సోషల్ మీడియా విరుచుకుపడింది.
ముఖ్యమంత్రి వీడియోను వీక్షించారు. నిందితుడి చర్యను ఖండించారు. అతడిని విడిచిపెట్టబోమని "కఠినమైన శిక్ష" విధించబడుతుందని చెప్పారు. ఈ ఘటన తర్వాత మధ్యప్రదేశ్ ప్రభుత్వం బుధవారం నిందితుడికి చెందిన ఇంటిని బుల్డోజర్ తో కూల్చివేయించింది.
ముఖ్యమంత్రి మీడియాతో మాట్లాడుతూ, వీడియో చూసిన తన హృదయం చాలా కలత చెందిందని, బాధతో నిండిపోయిందని అన్నారు. నిందితుడు ప్రవేశ్ శుక్లాపై భారతీయ శిక్షాస్మృతి (IPC) సెక్షన్లు 294 (అశ్లీల చర్యలు) మరియు 504 (శాంతి భంగం కలిగించేందుకు ఉద్దేశపూర్వకంగా అవమానించడం) మరియు SC/ST చట్టం కింద ఎఫ్ఐఆర్ నమోదు చేయబడింది. నిందితుడిపై జాతీయ భద్రతా చట్టం (ఎన్‌ఎస్‌ఏ) కింద కూడా అభియోగాలు మోపారు.
ఓ వ్యక్తి చేసిన అత్యంత హేయమైన చర్యకు తాను బాధ్యత వహిస్తూ సీఎం బాధితుడి కాళ్లు కడిగారు.https://t.co/kOptOBeXuh
— TV5 News (@tv5newsnow) July 6, 2023
మధ్యప్రదేశ్ ముఖ్యమంత్రి శివరాజ్ సింగ్ చౌహాన్ గురువారం గిరిజన కూలీని కలిశారు గౌరవ సూచకంగా దష్మేష్ రావత్ అనే కార్మికుడి పాదాలను కడిగారు.
#ShivrajSinghChouhan pic.twitter.com/us3k2nt6CF