సుప్రీంకోర్టులో కుక్‌.. అమెరికాలో మాస్టర్స్ ఇన్ లా చదివేందుకు కుమార్తెకు స్కాలర్‌షిప్‌.. అభినందించిన సీజేఐ
భారత అత్యున్నత న్యాయస్థానం సుప్రీంకోర్టులో భార్యాభర్తలు ఇద్దరు వంట మనుషులుగా పని చేస్తున్నారు. కోర్టులో పని చేస్తూ వచ్చే పోయే లాయర్లను చూస్తూ ఉండడం వల్లనేమో తమ కూతురిని కూడా లా చేయించాలనుకున్నారు. తల్లిదండ్రుల ఆశయాలను కూతురు నెరవేర్చింది. వారి కలను సాకారం చేసింది. అంతేకాదు యూఎస్ మాస్టర్స్ ఇన్ లా చదివేందుకు స్కాలర్‌షిప్‌ కూడా సంపాదించుకుంది. ఈ సందర్భంగా జస్టిస్ చంద్రచూడా ఆమెను అభినందించారు.
భారత సర్వోన్నత న్యాయస్థానం బుధవారం నాడు తన ఉద్యోగి కుమార్తెను అభినందించింది. CJI DY చంద్రచూడ్ మరియు ఇతర న్యాయమూర్తులు కలిసి ప్రగ్యను ప్రశంసించారు. సుప్రీంకోర్టులో కుక్‌గా పనిచేస్తున్న అజయ్‌కుమార్‌ సమాల్‌ కుమార్తె ప్రజ్ఞా సమాల్‌ అమెరికాలో మాస్టర్స్ ఇన్ లా చదివేందుకు స్కాలర్‌షిప్‌ పొందింది.
బుధవారం, ప్రజ్ఞతో పాటు ఆమె తల్లిదండ్రులను ఎస్సీ న్యాయమూర్తులు సత్కరించారు. ప్రగ్యా సాధించిన విజయానికి అభినందనలు తెలుపుతూ సీజేఐ చంద్రచూడ్ “ఇది మనందరికీ గర్వకారణం'' అని అన్నారు. "ప్రగ్యా తనంతట తానుగా ఏదో చేస్తోందని మాకు తెలుసు. కానీ ఆమె అమెరికాలో చదువు పూర్తయిన తరువాత దేశానికి సేవ చేయడానికి తిరిగి రావాలని మేము ఆశిస్తున్నాము" అని జస్టిస్ చంద్రచూడ్ అన్నారు.
CJI భారత రాజ్యాంగంపై పుస్తకాలను బహుకరించారు. సుప్రీంకోర్టు న్యాయమూర్తులందరూ సంతకం చేసిన భారత రాజ్యాంగంపై మూడు పుస్తకాలను కూడా సీజేఐ ప్రజ్ఞకు బహుకరించారు. న్యాయవాద వృత్తిని కొనసాగించాలనే తన కలకి మద్దతుగా నిలిచిన తల్లిదండ్రులకు ప్రగ్య కృతజ్ఞతలు తెలిపింది.
"నేను ఆయన బిడ్డ కావడం చాలా విశేషంగా భావిస్తున్నాను. నా తండ్రి నా పాఠశాల రోజుల నుండి చదువుకోమని ప్రోత్సహించేవారు. చదువుకునేందుకు నాకు కావలసిన అన్ని అవకాశాలను అందించేవారు అని ప్రగ్య తన తండ్రి గురించి గర్వంగా చెబుతోంది.
జస్టిస్ చంద్రచూడ్ ఒక స్ఫూర్తి: ప్రజ్ఞా
25 ఏళ్ల ప్రగ్య సీజేఐ చంద్రచూడ్‌కు కృతజ్ఞతలు తెలుపుతూ ఆయన తనకు స్ఫూర్తి అని చెప్పింది. "కోర్టు విచారణల లైవ్ స్ట్రీమింగ్‌తో, అతను (జస్టిస్ చంద్రచూడ్) మాట్లాడడాన్ని అందరూ చూడవచ్చు. అతను యువ న్యాయవాదులను ప్రోత్సహిస్తారు. అతని మాటలు రత్నాల లాంటివి. ఆయన నాకు స్ఫూర్తి" అని ఆమె జాతీయ మీడియాకు వివరించింది.