Wedding Cancel: కొంపముంచిన పెళ్ళి కొడుకు డ్యాన్స్

మరి కాసేపట్లో పెండ్లి పీటలు ఎక్కాల్సిన వరుడు స్నేహితుల అభ్యర్థన మేరకు ఓ సినిమా పాటకు కాలు కదిపి పెండ్లిని కాలదన్నుకున్నాడు! ప్రత్యక్ష సాక్షుల కథనం ప్రకారం.. గత నెల 18న ఢిల్లీలో పెండ్లి వేడుకలో స్నేహితుల అభ్యర్థన మేరకు వరుడు ‘చోలీకే పీచే క్యా హై’ హిందీ సినిమా పాటకు కాసేపు సరదాగా డ్యాన్స్‌ చేశారు. అయితే వరుడి ప్రవర్తన తమ కుటుంబ విలువలను అవమానించేలా ఉందని వధువు తండ్రి కోప్పడ్డారు. వెంటనే పెండ్లి రద్దు చేసుకుంటున్నట్టు ప్రకటించారు. దీంతో కన్నీళ్ల పర్యంతమైన వధువు తన తండ్రికి సర్ది చెప్పేందుకు ప్రయత్నించి విఫలమైంది.

చివరి నిమిషంలో రకరకాల కారణాల వల్ల పెళ్లిళ్లు ఆగిపోవడం మనం చూస్తూనే ఉంటాం. మర్యాదలు, వంటకాలు, చదివింపులు, కట్నకానుకల విషయంలో వరుడు, వధువు కుటుంబాల మధ్య ఘర్షణ తలెత్తి.. పీటల మీద పెళ్లిళ్లు ఆగిపోయిన సంఘటనలు మనకు కనిపిస్తూనే ఉన్నాయి. ఈ నేపథ్యంలోనే తాజాగా ఓ బాలీవుడ్ పాటకు వరుడి చేసిన డ్యాన్స్ చూసిన వధువు తండ్రి.. ఆ పెళ్లి క్యాన్సిల్ చేయడం గమనార్హం. దీంతో అప్పటివరకు సంతోషంతో డ్యాన్సులు చేసిన వరుడు.. బాధతో పెళ్లి మండపం నుంచి వెనుదిరిగి వెళ్లిపోయారు. ఈ సంఘటన దేశరాజధాని ఢిల్లీలో చోటు చేసుకుంది.

ఢిల్లీలోని యువతి, యువకుడికి ఇటీవల పెళ్లి నిశ్చయించారు. ఈ క్రమంలోనే పెళ్లి రోజున చాలా ఉత్సాహంగా వరుడు తన ఫ్రెండ్స్, కుటుంబ సభ్యులతో కలిసి భారీగా పెళ్లి ఊరేగింపుతో పెళ్లి మండపానికి చేరుకున్నాడు. ఈ క్రమంలోనే వరుడిని డ్యాన్స్ చేయాలని అతడి ఫ్రెండ్స్ పిలిచి డ్యాన్స్ చేయించారు. ఈ క్రమంలోనే బాలీవుడ్ సూపర్ హిట్ సాంగ్.. ‘చోలీ కే పీఛే క్యా హై’ అనే పాటకు వరడు డ్యాన్స్ చేశాడు. కానీ ఈ డ్యాన్సే అతడికి పెద్ద తలనొప్పి తెచ్చిపెట్టింది. అప్పటివరకు ఎంతో సంతోషంగా ఉన్న వరుడికి.. వధువు తండ్రి వచ్చి పెద్ద షాకిచ్చాడు. వరుడు చేసిన డ్యాన్స్ అనుచితంగా ఉందంటూ పెళ్లి రద్దు చేస్తున్నట్లు చెప్పడంతో ఒక్కసారిగా పెళ్లి కొడుకు షాక్ అయ్యాడు.

పెళ్లి కుమార్తె తండ్రి పెళ్లిని రద్దు చేస్తున్నట్లు ప్రకటించడంతో.. అతడ్ని బతిమాలే పనిలో వరుడు, అతని కుటుంబం పడ్డారు. అయితే వరుడు డ్యాన్స్ చేసిన తీరు.. తన కుటుంబ విలువలను భిన్నంగా.. తమను అవమానించేలా ఉందని పేర్కొన్న వధువు తండ్రి చివరికి పెళ్లినే రద్దు చేశాడు. అయితే పెళ్లి చేసుకుంటున్న సంతోషంలో ఏదో సరదా కోసమే ఇలా డ్యాన్స్ చేశామని వరుడు ఎంత సర్ది చెప్పినా ఫలితం లేకపోయింది.

ఇక పీటల మీద పెళ్లి ఆగిపోవడంతో వధువు కూడా కన్నీరుమున్నీరుగా విలపించింది. పెళ్లి కుమార్తెను తీసుకుని.. వారి కుటుంబ సభ్యులు పెళ్లి మండపం నుంచి ఇంటికి వెళ్లిపోయారు. ఆ తర్వాత చేసేదేమీ లేక.. వరుడి కుటుంబ సభ్యులు కూడా అక్కడి నించి తిరిగి వెళ్లిపోయారు. ఇప్పుడు ఈ వ్యవహారం సోషల్ మీడియాలో తెగ హల్ చల్ చేస్తుండటంతో నెటిజన్ల నుంచి రకరకాల కామెంట్లు వస్తున్నాయి. అయితే వధువు తండ్రి ముందుగానే అలర్ట్ అయి.. పెళ్లికి ముందే మంచి నిర్ణయమే తీసుకున్నాడని కొందరు పేర్కొంటుండగా.. పెళ్లి సరదాలో చేసిన డ్యాన్స్‌ను సీరియస్‌గా తీసుకుని పెళ్లి రద్దు చేయడం ఏంటని మరికొందరు తీవ్ర విమర్శలు గుప్పిస్తున్నారు.