చాలా మంది మొబైల్ వినియోగదారులు ఈరోజు బిగ్గరగా బీప్‌తో పాటు ‘Emergency alert: Severe’ అనే సందేశాన్ని అందుకున్నారు. కొద్దిసేపటికే, ప్రజలు తమ ఆశ్చర్యాన్ని సోషల్ మీడియాలో పోస్ట్ చేయడం ప్రారంభించారు. ఇలా జరగడం ఇదేం మొదటిసారి కాదు. ఇంతకుముందు కూడా చాలా మంది మొబైల్ ఫోన్ యూజర్స్ కు ఇలాంటి సందేశాలు వచ్చాయి.

మొబైల్ ఫోన్‌లలో కనిపించిన 'అత్యవసర హెచ్చరిక' సందేశంలో.., 'ఇది భారత ప్రభుత్వ టెలికమ్యూనికేషన్ విభాగం ద్వారా సెల్ బ్రాడ్‌కాస్టింగ్ సిస్టమ్ ద్వారా పంపబడిన నమూనా పరీక్ష సందేశం. దయచేసి ఈ సందేశాన్ని విస్మరించండి ఎందుకంటే మీ వైపు నుండి ఎటువంటి చర్య అవసరం లేదు. నేషనల్ డిజాస్టర్ మేనేజ్‌మెంట్ అథారిటీ అమలు చేస్తున్న పాన్-ఇండియా ఎమర్జెన్సీ అలర్ట్ సిస్టమ్‌ను పరీక్షించడానికి ఈ సందేశం పంపబడింది. ఇది ప్రజా భద్రతను మెరుగుపరచడం, అత్యవసర సమయాల్లో సకాలంలో హెచ్చరికలను అందించడం లక్ష్యంగా పెట్టుకుంది అని ఉంది. ఇది నిజానికి చాలా మంది మొబైల్ ఫోన్ వినియోగదారులను ఆందోళనకు గురి చేసింది. కొందరు తమ సెల్‌ఫోన్‌లు హ్యాక్‌కు గురైనట్లు భావించారు. ఈ ఫ్లాష్ హెచ్చరిక సందేశం గురించి పోస్ట్‌లు చేస్తూ నెటిజన్లు తమ అభిప్రాయాలను పంచుకున్నారు.

Anyone else getting this emergency alert on mobile??

Repeatedly came today...looks scary.#emergencyalert from telecom department pic.twitter.com/Z9u3i3ouwV

— Anirudh J 🇮🇳 (@Anirudhj12) September 21, 2023

Why is suddenly this alert to every mobile? Emergency? pic.twitter.com/LSU2QGTUek

— ghouseuddin (@ghouseuddin786) September 21, 2023

మొబైల్‌లో పంపిన 'అత్యవసర హెచ్చరిక' సందేశం ఏమిటి?

ఈ హెచ్చరిక బీప్ సౌండ్‌తో మెరుస్తుంది. అది యూజర్ ఓకే అని నొక్కినంత వరకు కొనసాగుతుంది, అయితే ఇది కేవలం ప్రభుత్వం నుండి వచ్చిన టెస్టింగ్ మెసేజ్ మాత్రమే. తెలంగాణ రాష్ట్ర పోలీసులు దాని X హ్యాండిల్‌లో, 'భయపడాల్సిన అవసరం లేదు. దేశంలో ఏదైనా అత్యవసర పరిస్థితి ఏర్పడితే పంపాల్సిన నమూనా సందేశాన్ని సెంట్రల్ టెలికమ్యూనికేషన్ పంపింది' అని తెలిపారు.

మొబైల్ ఆపరేటర్లు, సెల్ ప్రసార వ్యవస్థల అత్యవసర హెచ్చరిక ప్రసార సామర్థ్యాలను పరీక్షించడానికి వివిధ ప్రాంతాలలో ఎప్పటికప్పుడు ఇటువంటి పరీక్షలు నిర్వహించబడతాయని టెలికమ్యూనికేషన్ విభాగం సెల్ బ్రాడ్‌కాస్టింగ్ సిస్టమ్ అంతకుముందు పేర్కొంది. భూకంపాలు, సునామీలు మొదలైన విపత్తులను ఎదుర్కొనేందుకు జాతీయ విపత్తు నిర్వహణ అథారిటీతో పాటు ప్రభుత్వ అధికారులు కూడా కృషి చేస్తున్నారని పేర్కొన్నారు.

ప్రతి ఒక్కరు తమ మొబైల్ కి ఇలాంటి మెసేజ్ రావటం చూసే ఉంటారు. కంగారు పడాల్సిన అవసరం లేదు. ప్రకృతి వైపరీత్యాల సందర్భంగా, దేశంలో ఏదైనా అత్యవసర పరిస్థితుల సందర్భంలో పంపించే మెసేజ్ సిస్టమ్ ను కేంద్ర టెలీ కమ్యునికేషన్ వారు శాంపిల్ గా పంపించారు. pic.twitter.com/6wz785gr8t

— Telangana State Police (@TelanganaCOPs) September 21, 2023