పర్యావరణ వేత్త, పద్మశ్రీ అవార్డు గ్రహీత 114 ఏళ్ల తిమ్మక్క అనారోగ్యంతో కన్నుమూత..

పద్మశ్రీ అవార్డు గ్రహీత, పర్యావరణవేత్త సాలుమరాడ తిమ్మక్క శుక్రవారం ఇక్కడ ఓ ప్రైవేట్‌ ఆస్పత్రిలో కన్నుమూశారు. 114 ఏళ్ల ఆమె చాలా కాలంగా అనారోగ్యంతో బాధపడుతూ, చికిత్స కోసం ఆసుపత్రిలో చేరారు. అక్కడే ఆమె తుది శ్వాస విడిచినట్లు ఆమె కుటుంబ వర్గాలు తెలిపాయి.

జూన్ 30, 1911 న జన్మించిన తిమ్మక్క, రామనగర ప్రధాన కార్యాలయం బెంగళూరు దక్షిణ జిల్లాలోని హులికల్ మరియు కుదుర్ మధ్య 4.5 కి.మీ పొడవునా 385 మర్రి చెట్లను నాటిన తర్వాత సాలుమరద అనే ఖ్యాతిని సంపాదించింది.

అక్షరం ముక్క రాకపోయినా ప్రకృతిని పరిరక్షించాలనే ధృఢ సంకల్పంతో విరివిగా చెట్లునాటేది. జీవితంలో పిల్లలు లేకపోవడం వల్ల ఏర్పడిన శూన్యతను పూడ్చడానికి తోటల పెంపకం ప్రచారాన్ని ప్రారంభించింది.

ఆమె చేసిన కృషికి, ఆమెకు 2019లో పద్మశ్రీ, హంపి విశ్వవిద్యాలయం నుండి నాడోజ అవార్డు (2010), జాతీయ పౌర అవార్డు (1995) మరియు ఇందిరా ప్రియదర్శిని వృక్షమిత్ర అవార్డు (1997) సహా 12 అవార్డులు ఆమెను వరించాయి.