Karnataka : కర్ణాటకలో వర్షాలు
కర్ణాటక జిల్లాల్లో ఆదివారం కురిసిన భారీ వర్షాలు ఎండిపోయిన చాలా ప్రాంతంలోని నీటి వనరులకు జీవం పోశాయి.. ఆగస్ట్‌లో అంతా సుదీర్ఘ పొడి వాతావరణం తరువాత కళ్యాణ కర్ణాటకలో కలబురగి, బీదర్, యాద్గిర్ మరియు కొప్పల్ జిల్లాల్లో ఆదివారం జల్లులు కురిశాయి, దీనితో కాస్త ఆలస్యంగా అయినా ఆలస్యంగా విత్తిన రైతులకు ఆనందం కలిగించింది.
గత ఆరు నెలలుగా కర్ణాటకలో చినుకులు కూడా పడలేదు.. దీనితో ఇప్పుడు పడుతున్న వర్షానికి ప్రజలు ఇబ్బందులు పడినప్పటికీ పంటలు కాస్త తెరిపి పడ్డాయి. సంతోషం గా ఉన్నారు. కర్ణాటకలోని కలబురగి జిల్లా చించోలి తాలూకాలోని చంద్రంపల్లి జలాశయం నుంచి మూడు క్రెస్ట్ గేట్ల ద్వారా నీటిని బయటకు వదిలారు. అయితే కలబురగి నగరంలో కురుస్తున్న భారీ వర్షాలకు జనజీవనం అస్తవ్యస్తమైంది. నగరంలోని చాలా వరకు రోడ్లు జలమయమై వాహనదారులు తీవ్ర ఇబ్బందులు పడ్డారు.. వరదల కారణంగా కలబుర్గి-కాళగి రహదారిని కలిపే ఫిరోజాబాద్-కమలాపూర్ రాష్ట్ర రహదారిపై వాహనాల రాకపోకలు నిలిచిపోయాయి. పొంగిపొర్లిన కమలావతి నది సేడం సమీపంలోని వంతెనను ముంచెత్తింది. వాహనం అదుపుతప్పి కాలువలోకి జారిపోవడంతో కేకేఆర్‌టీసీ బస్సులోని ప్రయాణికులు సురక్షితంగా బయటపడ్డారు.
మంగళగి-హరిజనవాడ మధ్య మరియు కాళగి నీలకంఠేశ్వర ఆలయానికి వెళ్లే రహదారితో సహా పలు వంతెనలు ధూర్ హాల్ స్ట్రీమ్ పొంగిపొర్లడంతో ట్రాఫిక్‌కు అంతరాయం ఏర్పడింది.. రాత్రి కురిసిన వర్షానికి షాపూర్ పట్టణంలోని డిగ్గి అగసి కోటలో కొంత భాగం కూలిపోయింది. రాజధాని బెంగళూరు కూడా ఆగస్టులో తీవ్ర వర్షపాతం లోటును చవిచూసింది. ఆగస్టు 31వ తేదీ రాత్రి నగరంలో భారీ వర్షం కురిసింది. సెప్టెంబర్ 1న నగరంలోని పలు ప్రాంతాల్లో మంచి వర్షాలు కురిశాయి. ఆగస్టులో తీవ్ర వర్షాభావ పరిస్థితులు ఉన్నప్పటికీ, సెప్టెంబర్‌లో నగరంలో సాధారణం కంటే ఎక్కువ వర్షపాతం నమోదయ్యే అవకాశం ఉంది. మరోవైపు గడగ్, హోసపేట, విజయపుర జిల్లాల్లోని పలు ప్రాంతాల్లో సాయంత్రం భారీ వర్షం కురిసింది. చామరాజనగర్ జిల్లాతో సహా పాత మైసూరు ప్రాంతంలోని పలు ప్రాంతాల్లో ఆదివారం కూడా అడపాదడపా వర్షం కురిసింది.
కర్ణాటక అంతటా రుతుపవనాలు తీవ్రరూపం దాల్చాయి . సెప్టెంబర్ 7, 8 తేదీల్లో ఉత్తర కన్నడ, దక్షిణ కన్నడ, ఉడిపి వంటి కోస్తా జిల్లాల్లో భారీ వర్షాలు కురిసే అవకాశం ఉందని ఎల్లో అలర్ట్ ప్రకటించారు. అలాగే బాగల్‌కోట్, బెల్గాం, బీదర్, కలబురగి, రాయచూర్, విజయపూర్, యాదగిరి, చిక్కమగళూరు, ఉత్తర లోతట్టు ప్రాంతాల్లోని చామరాజనగర్, కొడగు.. షిమోగా జిల్లాలకు కూడా ఎల్లో అలర్ట్ ప్రకటించారు.
