భారత్ జనాభాపై జర్మన్ కార్టూన్.. విరుచుకు పడుతున్న నెటిజన్స్

భారత జనాభాను వెక్కిరిస్తున్న జర్మన్ కార్టూన్ చూసి కేంద్ర మంత్రి రాజీవ్ చంద్రశేఖర్ ఆ దేశపు జాత్యహంకారంగా పేర్కొన్నారు. "భారత్‌ను అపహాస్యం చేయడానికి మీరు ప్రయత్నించినప్పటికీ ప్రధాని నరేంద్ర మోదీ ఆధ్వర్యంలో కొన్ని సంవత్సరాలలో భారతదేశ ఆర్థిక వ్యవస్థ జర్మనీ కంటే పెద్దదిగా ఉంటుంది'' అని ట్వీట్ చేశారు.

వైరల్ కార్టూన్ భారత్, చైనాల మధ్య "అభివృద్ధి స్థాయిల" యొక్క పోలికను వివరించడానికి లక్ష్యంగా పెట్టుకుంది. భారతదేశం చైనా జనాభాను అధిగమించింది. ఆ విషయాన్ని వివరిస్తూ జర్మన్ కార్టూనిస్ట్ వ్యంగ్యంగా చిత్రీకరించారు. ఇది ట్రెయిన్ లోపల, పైన క్రిక్కిరిసి ఉన్న ప్రయాణీకుల సమూహాన్ని చూపిస్తుంది. పక్కనే ఇద్దరు డ్రైవర్లతో ఉన్న చైనా యొక్క అధునాతన బుల్లెట్ రైలును అధిగమించింది. బుల్లెట్ రైలులోని డ్రైవర్లు రద్దీగా ఉన్న భారతీయ రైలును చూసి ఆశ్చర్యపోయారు. ఇది చాలా మంది సోషల్ మీడియా వినియోగదారులకు కోపం తెప్పించింది.

భారతదేశాన్ని చిత్రీకరించడంలో పాశ్చాత్యుల వ్యవహారశైలి ఏవిధంగా ఉంటుందో ఈ కార్టూన్ అద్దం పడుతోందన్నారు. అనురాగ్ మైరాల్ అనే వినియోగదారుడు 2014లో యునైటెడ్ స్టేట్స్ మీడియా హౌస్ ద్వారా వచ్చిన మరొక కార్టూన్‌ కూడా ఇదే విధంగా ఉందని ట్వీట్ చేశారు. భారతదేశం గురించి "పాశ్చాత్య దేశాల జాత్యహంకారం" ఏ విధంగా ఉంటుందో ఈ కార్టూన్‌లు చెబుతున్నాయని విమర్శించారు. కార్టూన్ వైరల్ కావడంతో మరొక వినియోగదారు, కొంత సానుకూల దృక్పథంతో స్పందిస్తూ.. అవును, మేము చైనా జనాభాను అధిగమించాము.. అయినా మీరు మా అభివృద్ధిని ఆపలేరు అని పేర్కొన్నారు.