యుద్ధనౌకతో సిద్ధమవుతున్న భారత్.. పాకిస్తాన్‌కు నిద్ర లేని రాత్రులు..
పహల్గామ్ దాడి తర్వాత పాకిస్తాన్ పై ప్రతీకార దాడి చేసేందుకు భారత్ సిద్దమవుతోంది. ఈ క్రమంలోనే మల్టీ రోల్ స్టీల్త్ గైడెడ్ మిస్సైల్ ఫ్రిగేట్ 'తమల్' భారత నేవీలోకి ప్రవేశించబోతోంది. రష్యాలో, నావికాదళ సిబ్బందికి 'తమల్' ఉపయోగించడంలో శిక్షణ ఇస్తున్నారు. ఈ నౌకను వచ్చే ఏడాది జూన్‌లో డెలివరీ చేయాల్సి ఉంది, కానీ ఇప్పుడు ఈ నెలాఖరులో మే 28 నాటికి డెలివరీ అవుతుంది.
రష్యాలోని యాంటార్ షిప్‌యార్డ్‌లో 'తమల్' నిర్మిస్తున్నారు. ఇది ప్రపంచంలోనే అత్యంత ప్రాణాంతకమైన యుద్ధనౌకలలో ఒకటిగా పరిగణించబడుతుంది. యాంటీ-షిప్ క్షిపణి బ్రహ్మోస్‌ను ఈ యుద్ధనౌక నుండి ప్రయోగించనున్నారు. గతంలో, INS తుషిల్ భారత నావికాదళంలో చేరింది.
2016లో రష్యా, భారతదేశం మధ్య ఒక ఒప్పందం కుదిరింది. దీని కింద రష్యాకు 4 తల్వార్ తరగతి స్టెల్త్ యుద్ధనౌకలను నిర్మించే పనిని భారత్ అప్పగించింది. 9 డిసెంబర్ 2024న, రక్షణ మంత్రి రాజ్‌నాథ్ సింగ్ INS తుషిల్‌ను భారత నావికాదళంలో చేర్చారు. ఇప్పుడు ఈ క్రమంలో, రెండవ యుద్ధనౌక INS తమల్ కూడా భారత నావికాదళ యుద్ధ నౌకలో భాగం కానుంది.
INS తమల్ ప్రత్యేకతలు
INS తమల్ సముద్రంలో గంటకు 30 నాటికల్ మైళ్ల వేగంతో కదులుతుంది. ఒకేసారి 3000 కిలోమీటర్ల దూరం ప్రయాణించగలదు.
దీని నుండి నౌకా విధ్వంసక బ్రహ్మోస్ క్షిపణిని కూడా ప్రయోగించవచ్చు.
'తమల్' ను ప్రత్యేకంగా జలాంతర్గామి వ్యతిరేక యుద్ధం కోసం రూపొందించారు.
ఈ యుద్ధనౌకలో జలాంతర్గామి వ్యతిరేక రాకెట్లు మరియు టార్పెడోలు కూడా ఉన్నాయి.
INS తమల్ బరువు 3900 టన్నులు.
ఈ యుద్ధనౌకలో హెలికాప్టర్‌ను కూడా మోహరించవచ్చు.
చివరిగా దిగుమతి చేసుకున్న యుద్ధనౌక
భారత నావికాదళంలో ఈ తరగతికి చెందిన ఆరు యుద్ధనౌకలు ఉన్నాయి. వీటిలో 4 బ్రహ్మోస్ క్షిపణులతో అమర్చబడ్డాయి. ఐఎన్ఎస్ తమల్ భారత నావికాదళం దిగుమతి చేసుకున్న చివరి యుద్ధనౌక అవుతుంది. దీని తర్వాత బయటి నుండి ఎటువంటి యుద్ధనౌకను కొనుగోలు చేయబోమని భారత నావికాదళం స్పష్టం చేసింది.