ఇన్ఫోసిస్ కో ఫౌండర్ ఐఐటీ బాంబేకు భారీ విరాళం..

ఇన్ఫోసిస్ సహ వ్యవస్థాపకుడు నందన్ నీలేకని ఐఐటీ బాంబేకు భారీ విరాళం అందించారు. ఆ సంస్థతో ఆయనకు 50 సంవత్సరాల అనుబంధం కారణంగా రూ. 315 కోట్లు విరాళంగా ఇచ్చారు. నందన్ నీలేకని 1999 నుండి 2009 వరకు IIT బాంబే హెరిటేజ్ ఫౌండేషన్ బోర్డులో పనిచేశారు. 2005 నుండి 2011 వరకు గవర్నర్ల బోర్డులో ఉన్నారు. నందన్ 1973లో ఐఐటీ బాంబేలో ఎలక్ట్రికల్ ఇంజనీరింగ్‌ చేశారు.

ఈ విరాళం ప్రపంచ స్థాయి మౌలిక సదుపాయాలను పెంపొందించడంలో తోడ్పడుతుంది. సాంకేతిక పరిజ్ఞానం అభివృద్ధి చెందుతున్న రంగాలలో పరిశోధనలను ఉత్తేజపరిచేందుకు కీలక పాత్ర పోషిస్తుందని పేర్కొంది. “IIT బాంబే నా జీవితంలో కీలక పాత్ర పోషించింది. నా ప్రయాణానికి పునాది వేసింది. ఈ గౌరవప్రదమైన సంస్థతో నా అనుబంధానికి 50 ఏళ్లు పూర్తి చేసుకున్న సందర్భంగా ఈ చిన్న సాయం అందిస్తున్నాను. ఈ విరాళం కేవలం ఆర్థిక సహకారం కాదు అంత కంటే ఎక్కువ. ఇది నాకు చాలా అందించింది. రేపటి మన ప్రపంచాన్ని తీర్చిదిద్దే విద్యార్థుల పట్ల నిబద్ధత. గత 50 సంవత్సరాలుగా ఇన్‌స్టిట్యూట్‌తో బహుళ పాత్రలలో కనెక్ట్ అయి ఉన్న నీలేకని అన్నారు.

అతనికి 1999లో ప్రతిష్టాత్మక విశిష్ట పూర్వ విద్యార్ధి పురస్కారం లభించింది. ఆ తర్వాత 2019లో 2019లో గౌరవ డాక్టరేట్ లభించింది. అతడు ఇప్పటికే దాదాపు రూ. 85 కోట్ల వరకు సహకారం అందించారు. ఈ మొత్తాన్ని కొత్త హాస్టళ్లను నిర్మించడంలో, స్కూల్ ఆఫ్ ఇన్ఫర్మేషన్ టెక్నాలజీకి సహ-ఫైనాన్సింగ్ చేయడంలో, భారతదేశపు మొట్టమొదటి విశ్వవిద్యాలయ ఇంక్యుబేటర్‌ను స్థాపించడంలో కీలకపాత్ర పోషించింది.

ఐఐటీ బాంబే కొత్త శకానికి నాంది పలుకుతూ, డైరెక్టర్ ప్రొఫెసర్ చౌధురి ఇలా అన్నారు, “మా ప్రముఖ పూర్వ విద్యార్థి నందన్ నీలేకని ఇన్‌స్టిట్యూట్‌కు మార్గదర్శక సహకారాన్ని కొనసాగిస్తున్నందుకు మేము చాలా సంతోషిస్తున్నాము. ఈ చారిత్రాత్మక విరాళం IIT బాంబే వృద్ధిని గణనీయంగా వేగవంతం చేస్తుంది. IIT బాంబే పరిశోధన మరియు అకడమిక్ ఎక్సలెన్స్‌ను నిర్మించడానికి కట్టుబడి ఉంది.

అవగాహన ఒప్పందంపై సంతకం చేసిన తర్వాత విడుదల చేసిన ఒక ప్రకటనలో, ఇన్స్టిట్యూట్ ఇలా పేర్కొంది, “రాబోయే దశాబ్దంలో ఐఐటి బాంబే యొక్క వ్యూహాత్మక ప్రణాళికలో ఆర్టిఫిషియల్ ఇంటెలిజెన్స్, గ్రీన్ ఎనర్జీ, క్వాంటం కంప్యూటింగ్ వంటి వ్యూహాత్మక రంగాలలో ప్రపంచ స్థాయి ఎక్సలెన్స్ కేంద్రాలను ఏర్పాటు చేస్తుంది.