Anti-Rabies Vaccine : అందరికీ ఫ్రీగా యాంటీ రేబీస్ వ్యాక్సిన్

జంతువుల కాటు బాధితులందరికీ ఉచితంగా యాంటీ రేబీస్ వ్యాక్సిన్ అందించాలని కర్ణాటక ఆరోగ్య శాఖ ప్రభుత్వ ఆసుపత్రులను ఆదేశించింది. రాష్ట్రంలో డిసెంబర్ 5, 2022 నుండి రేబిస్‌ను నోటిఫైబుల్ డిసీజ్‌గా ప్రకటించారు.

APL లేదా BPL కార్డులను అవసరం లేకుండానే జంతువుల కాటు బాధితులందరికీ యాంటీ-రేబీస్ వ్యాక్సిన్ (ARV), రాబిస్ ఇమ్యునోగ్లోబులిన్ (RIG) ఉచితంగా అందించాలని కర్ణాటక ఆరోగ్య శాఖ అన్ని ప్రభుత్వ ఆసుపత్రులను ఆదేశించింది. ఈ మేరకు కర్నాటక ఆరోగ్య, కుటుంబ సంక్షేమ సేవల కమిషనర్‌ అక్టోబర్ 5న సర్క్యులర్‌ జారీ చేసింది. రేబిస్‌ ప్రాణాంతక వ్యాధి అయినప్పటికీ సకాలంలో, తగిన చికిత్స అందించి ప్రాణాలను కాపాడవచ్చని ఈ సందర్భంగా తెలిపారు.

"2030 నాటికి కుక్క-కాటు మధ్యవర్తిత్వ రాబిస్‌ను తొలగించడం" అనేది జాతీయ రాబిస్ నియంత్రణ కార్యక్రమం (NRCP)లక్ష్యం. గతేడాది డిసెంబర్ 5 నుంచి కర్నాటకలో రేబిస్‌ను నోటిఫైబుల్ డిసీజ్‌గా ప్రకటించారు.

"జంతు కాటుకు గురైన వారికి APL/BPL కార్డు ఉన్నా, లేకపోయినా చికిత్స నిరాకరించబడదు. అందువల్ల, జంతువుల కాటు బాధితులందరికీ అవసరాన్ని బట్టి ARV, RIGని ఉచితంగా అందించాలని ఇందుమూలంగా నిర్దేశించబడింది. దీన్ని వైద్యాధికారులు న్యాయంగా ఉపయోగించాలని సూచించారు”అని అధికారులు తెలిపారు.

బెంగళూరులో మొత్తం 2,79,335 వీధికుక్కలు ఉన్నాయని నగర పౌర సంఘం ఇటీవల నిర్వహించిన అంచనా సర్వే ద్వారా తెలిపింది.