Republic Day : ఇద్దరికి కీర్తి చక్ర.. 14 మందికి శౌర్యచక్ర

గణతంత్ర దినోత్సవం సందర్భంగా 93 మంది సాయుధ దళాలు, కేంద్ర సాయుధ పోలీసు దళాల సిబ్బందికి శౌర్య పురస్కారాలను రాష్ట్రపతి ద్రౌపది ముర్ము శనివారం ఆమోదించారు. 93 శౌర్య పురస్కారాలలో 2 కీర్తి చక్రాలు (ఒకటి మరణానంతరం), 14 శౌర్య చక్రాలు (మూడు మరణానంతరం) ఉన్నాయి. కీర్తి చక్ర భారతదేశ శౌర్య పతకం. దీనిని సైనికుల అసాధారణ ధైర్యసాహసాలకు ప్రదానం చేస్తారు. ఈ సంవత్సరం 76వ గణతంత్ర దినోత్సవం సందర్భంగా పంజాబ్ రెజిమెంట్, ఆర్టిలరీ 28 నేషనల్ రైఫిల్స్ దిలావర్ ఖాన్‌కు (మరణానంతరం) మేజర్ మంజీత్‌కు కీర్తి చక్రను ప్రదానం చేశారు.

సాయుధ దళాలు, కేంద్ర సాయుధ పోలీసు దళాలకు చెందిన 14 మంది సిబ్బందికి శౌర్య చక్ర అవార్డులను ప్రదానం చేయనున్నట్లు ప్రకటించారు. వీరిలో ఒక పారా ఎస్ఎఫ్ డిప్యూటీ వికాస్ తోమర్, 20 జాట్ రెజిమెంట్ మోహన్ రామ్, డోగ్రా రెజిమెంట్ హవిల్దార్ రోహిత్ కుమార్ (మరణానంతరం), 9జీఆర్ 32 ఆర్ఆర్ హవిల్దార్ ప్రకాష్ తమంగ్, ఇంజనీర్లు 50 ఆర్ఆర్ మేజర్ ఆశిష్ దహియా, ASC 1RR మేజర్ కునాల్, ఆర్మర్డ్ 4ఆర్ఆర్ మేజర్ సతేంద్ర ధంఖర్, 48 ఆర్ఆర్ కెప్టెన్ దీపక్ సింగ్ (మరణానంతరం), 4 అస్సాం రైఫిల్స్ అసిస్టెంట్ కమాండెంట్ అషెంతుంగ్ కికోన్ అసిస్టెంట్.

మొత్తం 93 మంది సైనికులకు రాష్ట్రపతి ద్రౌపది ముర్ము ధైర్య పురస్కారాలను ప్రకటించారు. 2 కీర్తి చక్ర, 14 శౌర్య చక్రాలతో పాటు ఇందులో 1 ఆర్మీ శౌర్య పతకం, 66 ఆర్మీ పతకాలు (ఏడు మరణానంతరం), 2 నేవీ (శౌర్య) పతకాలు, 8 వైమానిక దళ (శౌర్య) పతకాలు ఉన్నాయి. జమ్మూ కాశ్మీర్‌లోని కథువా జిల్లాలోని మాచెడి సెక్టార్‌లో జరిగిన ఆపరేషన్‌లో ఒక ఉగ్రవాదిని హతమార్చినందుకు 1 పారా (స్పెషల్ ఫోర్సెస్) బెటాలియన్‌కు చెందిన సుబేదార్ వికాస్ తోమర్‌కు శౌర్య చక్ర లభించింది.