నేపాల్లో నిషేధం వల్ల ఏం జరిగిందో చూడండి: పోర్న్ను అరికట్టాలన్న పిటిషన్పై సుప్రీంకోర్టు
అశ్లీల చిత్రాలను నిషేధించాలని కోరుతూ దాఖలైన పిటిషన్ను స్వీకరించడానికి తాము ఇష్టపడటం లేదని సోమవారం సుప్రీంకోర్టు పేర్కొంది. నేపాల్లో సెప్టెంబర్లో జరిగిన జనరల్ జెడ్ నిరసనలను ఉదాహరణగా చూపుతూ ఈ వ్యాఖ్యలు చేసింది. ప్రభుత్వంపై వ్యతిరేకతతో పాటు, కొన్ని ఛానల్స్ నిషేధాన్ని అంగీకరించని యువత హింసాత్మక ఆందోళనలు నిర్వహించారు. విలువైన ప్రభుత్వ, ప్రైవేట్ ఆస్తులను ఎన్నింటినో ధ్వంసం చేశారు. అక్కడి విధ్వంసాన్ని చూసిన తరువాత అశ్లీల చిత్రాల నిషేధంపై తొందరపడి నిర్ణయం తీసుకోవడం సముచితం కాదు అని సుప్రీంకోర్టు డివిజెన్ బెంచ్ వ్యాఖ్యానించింది.
ముఖ్యంగా యుక్తవయస్సు రాని వారు అశ్లీల చిత్రాలను చూడడం నిషేధించాలని, ఇందుకు అనుగుణంగా జాతీయ విధానాన్ని రూపొందించమని కేంద్ర ప్రభుత్వాన్ని ఆదేశించాలని పిటిషనర్ సుప్రీంను కోరారు.
"డిజిటలైజేషన్ తర్వాత, ప్రతి ఒక్కరూ డిజిటల్గా కనెక్ట్ అయ్యారు... చదువుతో సంబంధం లేదు. అన్నీ అందరికీ ఒకే క్లిక్లో అందుబాటులో ఉంటున్నాయి" అని పిటిషనర్ పేర్కొన్నారు.
ఇంటర్నెట్లో అశ్లీల విషయాలను ప్రోత్సహించే "బిలియన్ల" సైట్లు అందుబాటులో ఉన్నాయని, ఈ విషయాన్ని ప్రభుత్వం కూడా అంగీకరించిందని పిటిషనర్ పేర్కొన్నారు. "కోవిడ్ సమయంలో పాఠశాల పిల్లలు డిజిటల్ పరికరాలను ఉపయోగించారు... ఈ పరికరాల్లో అశ్లీల చిత్రాలను చూడకుండా నిరోధించడానికి ఎటువంటి యంత్రాంగం లేదు."
అయితే, తల్లిదండ్రులు పిల్లలు చూసే కంటెంట్ను నియంత్రించడానికి,వారు ఏమి బ్రౌజ్ చేస్తున్నారో ట్రాక్ చేయడానికి అనుమతించే సాఫ్ట్వేర్లు ఉన్నాయి.
"ఈ సమస్యను పరిష్కరించడానికి సమర్థవంతమైన చట్టం లేదు, అశ్లీల చిత్రాలను చూడటం వ్యక్తులతో పాటు సమాజాన్ని కూడా ప్రతికూలంగా ప్రభావితం చేస్తుంది. ముఖ్యంగా 13, 18 సంవత్సరాల మధ్య వయస్సు గల పిల్లల మనస్సులను ప్రభావితం చేస్తుంది."
భారతదేశంలో 20 కోట్లకు పైగా అశ్లీల వీడియోలు అమ్మకానికి అందుబాటులో ఉన్నాయని తెలుపుతూ వాటిని కూడా పిటిషనర్ సుప్రీంకు సమర్పించారు. ఇన్ఫర్మేషన్ టెక్నాలజీ చట్టంలోని సెక్షన్ 69A ప్రకారం, ఈ సైట్లను నిరోధించే అధికారం ప్రభుత్వానికి ఉందని కూడా పిటిషినర్ నొక్కి చెప్పారు.