బైక్, ఆటో రిక్షాలను ఢీ కొట్టిన ఎస్‌యూవీ.. ముగ్గురు మృతి
ఒడిశాలోని కోరాపుట్ జిల్లాలో వేగంగా వస్తున్న ఎస్‌యూవీ రెండు బైక్‌లు, ఆటో రిక్షాలను ఢీకొనడంతో ముగ్గురు మృతి చెందగా, మరో 13 మంది గాయపడ్డారు. ఒడిశాలోని కోరాపుట్ జిల్లాలో శుక్రవారం జరిగిన భారీ రోడ్డు ప్రమాదంలో ఇద్దరు మహిళలు సహా ముగ్గురు వ్యక్తులు మరణించారు.
ఎస్‌యూవీని అత్యంత వేగంతో నడుపుతూ ఆటో రిక్షాను ఓవర్‌టేక్ చేసేందుకు ప్రయత్నించాడు. రోడ్డుకు అవతలివైపు నుంచి వేగంగా వస్తున్న బైక్ ట్రాక్టర్‌ను ఓవర్‌టేక్ చేసేందుకు ప్రయత్నిస్తున్నట్లు సీసీటీవీలో కనిపిస్తోంది. ఆ సమయంలో, ఎస్‌యూవీ డ్రైవర్ వాహనంపై నియంత్రణ కోల్పోయి, వేగంగా వస్తున్న బైక్‌ను ఢీకొట్టాడు.
ప్రమాదం జరిగిన తర్వాత ఎస్‌యూవీ వేగంగా వెళ్లినట్లు సీసీటీవీలో రికార్డయింది. ఢీకొనడంతో ఆటో రిక్షా బోల్తా పడి అందులో ప్రయాణిస్తున్న 15 మంది ప్రయాణికులు రోడ్డుపై పడిపోయారు. వీరిలో ఇద్దరు అక్కడికక్కడే మృతి చెందారు.
వేగంగా వచ్చిన ఎస్‌యూవీ ఢీకొనడంతో బైక్‌పై వెళ్తున్న వ్యక్తి అక్కడికక్కడే మృతి చెందాడు. గాయపడిన 13 మందిలో నలుగురి పరిస్థితి విషమంగా ఉంది. వీరిని కోరాపుట్‌లోని సహీద్‌ లక్ష్మణ్‌ నాయక్‌ మెడికల్‌ కాలేజ్‌ అండ్‌ హాస్పిటల్‌కు తరలించగా, మిగిలిన వారిని బోరిగుమ్మలోని కమ్యూనిటీ హెల్త్‌ సెంటర్‌ (సిహెచ్‌సి)లో చేర్చారు.
ఒడిశా ముఖ్యమంత్రి నవీన్ పట్నాయక్ రోడ్డు ప్రమాదంలో మరణించిన వారి బంధువులకు ఒక్కొక్కరికి రూ. 3 లక్షల చొప్పున ఎక్స్‌గ్రేషియా ప్రకటించారు.