UP:"నా పిల్లలను జాగ్రత్తగా చూసుకోండి": ఆత్మహత్యకు ముందు యుపి పోల్ అధికారి వీడియో

ఉత్తరప్రదేశ్‌ మొరాదాబాద్‌లోని బూత్ లెవల్ ఆఫీసర్ (BLO) గా పనిచేస్తున్న 46 ఏళ్ల ఉపాధ్యాయుడు ఆత్మహత్య చేసుకున్నాడు.అతడు మృతి చెందిన ఒక రోజు తర్వాత, ఆయన తన కుటుంబానికి ఇచ్చిన చివరి సందేశం వీడియో బయటపడింది. ఈ వీడియోలో, సర్వేష్ కుమార్ ఓటర్ల జాబితాల స్పెషల్ ఇంటెన్సివ్ రివిజన్ (SIR) కోసం పనిని పూర్తి చేయడంలో విఫలమయ్యానని, ప్రపంచానికి దూరంగా వెళుతున్నందుకు" తన కుటుంబాన్ని క్షమించమని కోరాడు. తన నలుగురు కుమార్తెలను జాగ్రత్తగా చూసుకోవాలని తన తల్లిని, సోదరిని కోరాడు.

ప్రభుత్వ పాఠశాలలో అసిస్టెంట్ టీచర్‌గా పనిచేస్తున్న కుమార్‌కు అక్టోబర్ 7న BLO పని అప్పగించారు. ఓటర్ల వివరాలు సేకరించడానికి ఇంటింటికీ వెళ్లే గ్రాస్‌రూట్ పోల్ అధికారి అయిన BLO పనిని అప్పగించడం ఇదే మొదటిసారి.

"దీదీ, మా నన్ను క్షమించండి. దయచేసి నా పిల్లలను చూసుకోండి. నేను ఈ ఎన్నికల పనిలో విఫలమయ్యాను. నేను ఒక అడుగు ముందుకు వేయబోతున్నాను, దానికి నేను మాత్రమే బాధ్యత వహిస్తాను. ఎవరి తప్పు లేదు. నేను చాలా బాధపడ్డాను. నేను 20 రోజులుగా నిద్రపోలేకపోతున్నాను. నాకు సమయం ఉంటే, నేను ఈ పని పూర్తి చేసి ఉండేవాడిని. నాకు నలుగురు చిన్న కూతుళ్లు ఉన్నారు. దయచేసి నన్ను క్షమించండి. నేను ఈ ప్రపంచానికి చాలా దూరం వెళ్తున్నాను" అని కుమార్ వీడియోలో కన్నీళ్లతో చెప్పాడు. తాను జీవించాలనుకుంటున్నానని కూడా అతను చెప్పాడు, కానీ ఒత్తిడి "చాలా ఎక్కువగా" ఉందని అన్నాడు.

ఓటర్ల జాబితాల్లోని వ్యత్యాసాలను తొలగించడానికి ఎన్నికల కమిషన్ అనేక రాష్ట్రాల్లో SIR నిర్వహిస్తోంది. BLO ల పని పరిస్థితులపై దేశవ్యాప్తంగా ఆందోళనలు చెలరేగుతున్న నేపథ్యంలో కుమార్ మరణం చోటు చేసుకుంది. SIR కోసం పనిచేయడం ప్రారంభించిన తర్వాత చాలా మంది BLO లు ప్రాణాలు కోల్పోయారు. మరణించిన వారి కుటుంబాలు పని ఒత్తిడి కారణంగా ఈ పరిస్థితి తలెత్తుతోందని ప్రభుత్వాన్ని నిందించారు. వారు రోజుకు 14-15 గంటలు పని చేయాల్సి ఉంటుందని, జీతం చాలా తక్కువగా ఉందని వారు చెబుతున్నారు. గడువులోపు పనిని పూర్తి చేయలేకపోతే క్రమశిక్షణా చర్యలు తీసుకుంటారనే భయం కూడా తోడై వారు ప్రాణాలు కల్పోతున్నారని బాధిత కుటుంబాలు చెబుతున్నాయి.

సర్వేష్ కుమార్ దళిత వర్గానికి చెందినవాడు, అతని కుటుంబం మొరాదాబాద్‌లోని భోజ్‌పూర్‌లోని బహేది గ్రామంలో నివసిస్తుంది. అతని కుటుంబ సభ్యులు ఉన్నతాధికారులపై కఠిన చర్యలు తీసుకోవాలని డిమాండ్ చేశారు.

'मां, मैं जीना चाहता हूं, लेकिन...'

यूपी के मुरादाबाद जिले में SIR वर्क प्रेशर में जान देने वाले BLO सर्वेश सिंह का अपने आखिरी वीडियो में यह कहते हुए फूट-फूट कर रोते नजर आ रहे हैं. 30 नवंबर को BLO सर्वेश सिंह ने फंदे से लटककर अपनी जान दी थी. शिक्षक सर्वेश सिंह ने 3 पेज के… pic.twitter.com/LOPrQgtxyS

— NDTV India (@ndtvindia) November 30, 2025