పాఠశాలలో ఇన్‌స్టా రీల్స్ చేస్తున్న టీచర్లు.. విద్యార్థులను లైకులు కొట్టమని ఒత్తిడి
స్మార్ట్ ఫోన్ లకు అడిక్ట్ అయ్యారని పిల్లల్ని అనక్కర్లేదు.. పెద్దవాళ్లు కూడా అలాగే తయారవుతున్నారు. ఆఖరికి పాఠశాలలో విద్యార్ధులకు పాఠాలు చెప్పవలసిన ఉపాధ్యాయులు కూడా ఇన్‌స్టాగ్రామ్‌లో పోస్ట్‌లు పెడుతూ, రీల్స్ చేస్తూ బిజీగా ఉన్నారు. ఆనక పిల్లల్ని లైకులు, షేర్లు కొట్టమని బలవంతం చేస్తున్నారు యూపీకి చెందిన ఉపాధ్యాయులు.
UP ఉపాధ్యాయులు పాఠశాలలో Instagram 'రీల్స్'ను రికార్డ్ చేస్తూ, విద్యార్థులను లైక్, షేర్ చేయమని బలవంతం చేస్తున్నారు. ఈ విషయం విద్యార్ధులు తల్లిదండ్రుల దృష్టికి తీసుకెళ్లడంతో వార్త వెలుగులోకి వచ్చింది.
ఇన్‌స్టాగ్రామ్ అకౌంట్‌ను లైక్, షేర్ మరియు సబ్‌స్క్రయిబ్ చేసుకోవాలని ఒత్తిడి చేయడంతో విద్యార్థుల తల్లిదండ్రులు ఈ విషయంలో చర్య తీసుకోవాలని కోరుతూ జిల్లా మేజిస్ట్రేట్ (డీఎం)ని ఆశ్రయించారు.
ఉత్తరప్రదేశ్‌లోని అమ్రోహా జిల్లాలోని కొంతమంది ప్రాథమిక పాఠశాల ఉపాధ్యాయులు తమ విద్యార్థులను సోషల్ మీడియా ప్లాట్‌ఫారమ్ ఇన్‌స్టాగ్రామ్‌లో పోస్ట్‌లను లైక్ మరియు షేర్ చేయమని మరియు వారి ఖాతాలకు కూడా సబ్‌స్క్రయిబ్ చేయమని బలవంతం చేశారు.
ఇన్‌స్టాగ్రామ్ రీల్స్‌లో టీచర్లలో ఒకరు రోజూ స్కూల్‌లో షూట్ చేస్తారు. ఇన్‌స్టాగ్రామ్ ఖాతాల్లో ఒకటి 'రవిపూజ' పేరుతో ఉంది. పాఠశాలలో విధుల్లో ఉన్నప్పుడు ఉపాధ్యాయులు ఇన్‌స్టాగ్రామ్‌లో కంటెంట్‌ను సృష్టిస్తున్నారని విద్యార్థులు పేర్కొన్నారు.
దీనిపై బ్లాక్ ఎడ్యుకేషన్ అధికారి గంగేశ్వరి ఆర్తి గుప్తా దర్యాప్తు చేస్తున్నారు.
"టీచర్ పాఠశాలలో రీల్స్ రికార్డ్ చేస్తుంది. వాటిని లైక్, షేర్ చేయమని విద్యార్థులను ఒత్తిడి చేస్తుంది. అలా చేయకపోతే మమ్మల్ని కొడతామని ఆమె బెదిరిస్తుంది" అని అన్నూ అనే విద్యార్థి తెలిపారు.
తన కోసం వంటలు చేయమని, ఆహారం వండమని, టీ పెట్టమని ఓ టీచర్ విద్యార్థులను బలవంతం చేశారని మరో విద్యార్థిని మనీషా ఆరోపించింది.
పాఠశాలలో సరైన విద్య అందడం లేదని పలువురు విద్యార్థులు వాపోయారు. రీల్స్‌ను లైక్ చేయమని బలవంతం చేసే ఉపాధ్యాయులతో పాటు, వారు ఇతర ఉపాధ్యాయుల గురించి కూడా కంప్లైంట్ చేశారు.
అయితే ఉపాధ్యాయులు దీనిని ఖండించారు. విద్యార్థులకు మంచి విద్యను అందించడానికి "అంకితం" అని చెప్పారు. స్కూల్ టైమ్‌లో పిల్లలకు శ్రద్ధగా బోధిస్తాం.. పిల్లలు నేర్చుకునేలా స్కూల్ టైమ్‌లో కొన్నిసార్లు వీడియోలు తీస్తాం' అని ఉపాధ్యాయుల్లో ఒకరైన అంబిక చెప్పారు.