Vedanta: 49 ఏళ్ల వయసులో గుండెపోటుతో మృతి చెందిన 'వేదాంత' ఛైర్మన్ కుమారుడు..

తన జీవితంలో అత్యంత చీకటి రోజు అని వేదాంత ఛైర్మన్ అని అగర్వాల్ అన్నారు. “నా ప్రియమైన కొడుకు అగ్నివేష్ చాలా త్వరగా మనల్ని విడిచిపెట్టాడు. అతనికి కేవలం 49 సంవత్సరాలు. అతడు ఎన్నో కలలతో ఉన్నాడు. అమెరికాలో స్కీయింగ్ ప్రమాదం తర్వాత, అతను న్యూయార్క్‌లోని మౌంట్ సినాయ్ ఆసుపత్రిలో కోలుకుంటున్నాడని భావించాము. కానీ విధికి వేరే ప్రణాళికలు ఉన్నాయి, అకస్మాత్తుగా వచ్చిన గుండెపోటు మా కొడుకును మా నుండి దూరం చేసింది.”

1976 జూన్ 3న పాట్నాలో జన్మించినప్పటి నుండి వ్యాపార నాయకుడిగా ఎదగడం వరకు అగ్నివేష్ ప్రయాణాన్ని అగర్వాల్ గుర్తు చేసుకున్నారు. "మధ్యతరగతి బిహారీ కుటుంబం నుండి, వచ్చి బలమైన వ్యక్తిగా ఎదిగాడు. తన తల్లి జీవితానికి వెలుగు, రక్షక సోదరుడు, నమ్మకమైన స్నేహితుడు. అతను కలిసిన ప్రతి ఒక్కరినీ ప్రేమగా పలకరించే ఆత్మ కలిగిన వాడు' అని అతను Xలో పేర్కొన్నారు.

అగ్నివేష్ అజ్మీర్‌లోని మాయో కాలేజీలో చదువుకున్నాడు. ఫుజీరా గోల్డ్‌ను స్థాపించాడు, తరువాత హిందూస్తాన్ జింక్‌కు ఛైర్మన్ అయ్యాడు. "నాకు, అతను కొడుకు మాత్రమే కాదు. అతను నా స్నేహితుడు. నా గర్వం. నా ప్రపంచం" అని ఆయన జోడించారు.

అగర్వాల్ తన కొడుకుతో కలిసి స్వావలంబన భారతదేశాన్ని నిర్మించి, సమాజాన్ని ఉద్ధరించాలనే కలను పునరుద్ఘాటించాడు. మనం సంపాదించిన దానిలో 75% కంటే ఎక్కువ సమాజానికి తిరిగి ఇస్తానని నేను అగ్నికి వాగ్దానం చేశాను. ఈ రోజు, నేను ఆ వాగ్దానాన్ని పునరుద్ధరించాను. మరింత సరళమైన జీవితాన్ని గడపాలని నిర్ణయించుకున్నాను, ”అని ఆయన అన్నారు.

"బేటా, నువ్వు మా హృదయాల్లో, మా పనిలో, నువ్వు తాకిన ప్రతి జీవితంలోనూ జీవిస్తూనే ఉంటావు. నువ్వు లేకుండా ఈ దారిలో ఎలా నడవాలో నాకు తెలియదు, కానీ నీ వెలుగును ముందుకు తీసుకెళ్లడానికి నేను ప్రయత్నిస్తాను" అని హృదయపూర్వక సందేశంతో అగర్వాల్ ముగించారు.

అనిల్ అగర్వాల్ కు ఇద్దరు పిల్లలు, దివంగత కుమారుడు అగ్నివేష్, కుమార్తె ప్రియా, వేదాంత లిమిటెడ్ బోర్డులో మరియు హిందుస్తాన్ జింక్ లిమిటెడ్ చైర్ పర్సన్ గా ఉన్నారు. అగ్నివేష్ వేదాంత అనుబంధ సంస్థ తల్వండి సబో పవర్ లిమిటెడ్ చైర్‌పర్సన్‌గా ఉన్నారు. అగ్నివేష్ అగర్వాల్ అకాల మరణం పట్ల ప్రధానమంత్రి నరేంద్ర మోదీ కూడా సంతాపం తెలిపారు.

X లో ఒక పోస్ట్ లో ఆయన ఇలా రాశారు, "శ్రీ అగ్నివేష్ అగర్వాల్ అకాల మరణం తీవ్ర దిగ్భ్రాంతికరం మరియు బాధాకరం. ఈ హృదయ స్పర్శి నివాళిలో మీ దుఃఖం యొక్క లోతు స్పష్టంగా కనిపిస్తుంది. మీరు మరియు మీ కుటుంబం ఈ బాధాకర క్షణాల్లో ధైర్యాన్ని పొందాలని ప్రార్థిస్తున్నాను" అని పేర్కొన్నారు.