Belgian Malinois : NSGలో చేరనున్న బెల్జియన్ జాతి కుక్కలు

ప్రస్తుతం మన NSGలో లాబ్రడార్లు బ్రీడ్ జాగిలాలు కీరోల్ ప్లే చేస్తున్నాయి. వాటి స్థానంలో బెల్జియన్ జాతి కుక్కలు వచ్చి చేరనున్నాయి.. అందులో మాలినోయిస్ రకం కుక్కలు అయితే మరింత సమర్థవంతంగా పనిచేస్తాయని భావిస్తున్నారు NSG అధికారులు. ఈ బెల్జియన్ మాలినోయిస్ బ్రీడ్ ను బెల్జియంలో అభివృద్ధి చేశారు.ఇజ్రాయెల్-పాలస్తీనా యుద్దంలో భాగంగా బెల్జియన్ మాలినోయిస్ జాగిలాలను స్క్వాడ్ లోకి దించింది ఇజ్రాయెల్. గాజాలోని హమాస్ మిలిటెంట్లను పసిగట్టడానికి, వారిని ట్రాక్ చేసి దాడి చేయడానికి బెల్జియన్ మాలినోయిస్ జాతి కుక్కలకు ప్రత్యేక శిక్షణ ఇచ్చింది. హమాస్ మిలిటెంట్ల హతంలో ఇవి కీలక పాత్ర పోషిస్తున్నాయి.

భారత యాంటీ టెర్రరిజం వింగ్, NSG కూడా.. బెల్జియన్ మాలినోయిస్ జాతి కుక్కలను తమ టీమ్‌లోకి తీసుకోవాలని భావిస్తున్నాయి.. మన భద్రతా బలగాల స్క్వాడ్ లో లాబ్రడార్స్, కాకర్ స్పానియల్స్, బెల్జియన్ మాలినోయిస్ అనే మూడు రకాల జాగిలాలు ఉన్నాయి. ప్రస్తుతమున్న 20 లాబ్రడార్ల వయస్సు 4 నుంచి 7 సంవత్సరాలు. వాటిని క్రమంగా రిటైర్ చేయాలని ప్లాన్ చేస్తోంది NSG. లాబ్రడార్ల స్థానంలో 14 మాలినోయిస్‌లను కొనుగోలు చేశారు. వాటికి శిక్షణ ఇవ్వడం కూడా మొదలుపెట్టారు.

బెల్జియన్ మాలినోయిస్ జాతి కుక్కలు టార్గెట్ ను ఛేదించడంలో చురుకుగా ఉంటాయి. లాబ్రడార్ బ్రీడ్ కంటే ఇవి అత్యంత తెలివైనవి.. క్రూరమైనవి.. ఇతర జాతులతో పోలిస్తే ఇవి మరింత అప్రమత్తంగా ఉంటాయి.. పాకిస్తాన్‌లో అల్-ఖైదా చీఫ్ ఒసామా బిన్ లాడెన్‌ ను మాలినోయిస్ కుక్కలే పట్టుకున్నాయి. సిరియాలో పరారీలో ఉన్న ఇస్లామిక్ స్టేట్ నాయకడు అబూ బకర్ అల్-బాగ్దాదీ మరణానికి దారితీసిన యుఎస్ నేతృత్వంలోని సైనిక చర్యలో బెల్జియన్ మాలినోయిస్ ముఖ్యమైన పాత్ర పోషించాయి. నాటో దళాలు కూడా బెల్జియన్ మాలినోయిస్ ఉపయోగించాయి.

సాధారణంగా లాబ్రడార్లను స్నిఫింగ్, ట్రాకింగ్ కోసం.. జర్మన్ షెపర్డ్‌లను దాడి చేయడానికి ఉపయోగిస్తోంది NSG.. ఇప్పుడు స్నిఫ్, ట్రాక్, అటాక్ అనే మూడు పనులు చేసేలా మాలినోయిస్ కుక్కలకు ట్రైనింగ్‌ ఇస్తున్నారు.. 2023 ఆగస్ట్ నుంచే శిక్షణ ఇస్తున్న ఈ డాగ్స్‌ను NSG బ్లాక్ క్యాట్ కమాండోలు చేపట్టే ఉగ్రవాద వ్యతిరేక కార్యకలాపాల్లో ఉపయోగించనున్నారు.

కుక్కకు కెమెరా పెట్టి రిమోట్ డెలివరీ సిస్టమ్స్ ద్వారా.. సూచనలను పంపుతూ.. దూరంగా ఉండి భద్రతా బలగాలు ఆపరేషన్ చేయొచ్చు. రిమోట్ ఆపరేషన్‌, రియల్ టైమ్ ఫీడ్‌బ్యాక్ రావడానికి బెల్జియన్ మాలినోయిస్ డాగ్స్ ఎంతో ఉపయోగపడుతున్నాయి. ఇలా అన్నింట్లోనూ బెల్జియన్ మాలినోయిస్ కుక్కలు సమర్థవంతంగా పనిచేస్తాయి. అందుకే ఈ బ్రీడ్ డాగ్స్ నే వాడాలని నిర్ణయించింది NSG. త్వరలోనే లాబ్రడార్లు బ్రీడ్ జాగిలాల స్థానంలో బెల్జియన్ మాలినోయిస్ కుక్కలు పూర్తిస్థాయిలో ఆపరేషన్ లో పాల్గొననున్నాయి.